Фарвардин ойининг 12-куни Эрон халқининг ӯз тақдирини белгилашдаги бирдамлик кунидир
Эрон Исломий Таблиғот Мувофиқлаштирувчи Кенгаши 12 фарвардин муносабати билан "Исломий Жумҳурият куни" Эрон халқининг ӯз тақдирини белгилашдаги бирдамлик куни эканлигини таъкидлади.
Эрон халқи бундан 40 йил муқаддам, ҳижрий-шамсий 1358 йилнинг 12 фарвардин (1979 йилнинг 1 апрел) куни ӯтказилган референдумда мамлакат сиёсий тизимининг исломий жумҳурият усулига овоз берди. Шу сабабли бу тарихий кун Эрон Ислом Жумҳуриятида "Исломий Жумҳурият куни" дея аталади.
Эрон Исломий Таблиғот Мувофиқлаштирувчи Кенгашининг таъкидлашича, ҳали минтақа ва жаҳоннинг бирор-бир мамлакатида бунчалик юксак иштиёқ ва аҳамиятга эга бӯлган референдум ӯтказилмаган.
Эрон Исломий Таблиғот Мувофиқлаштирувчи Кенгашининг баёнотида келтирилишича, ӯтган қирқ йил давомидаги барча қийинчиликларни ҳеч кимга бӯйин эгмасдан ифтихор ила ортда қолдириб келган Эрон халқи бу йилги 12 фарвардин куни ҳам вилоятларда режалаштирилган тадбирларда фаол қатнашиб, бу тарихий кунни муносиб нишонлайди.