Руҳоний: АҚШнинг золимларча санкциялари Эрон халқига қарши террорчилик амалиёт ҳисобланади
Эрон ислом жумҳурияти президенти Теҳрондаги турли мамлакатлар элчилари, ваколатхоналари раислари ва чет эл ташкилотлари раҳбарларини қабул қилганида Вашингтон режимининг Теҳронга қарши санкцияларини ноконструтив, жиноятчилик ҳамда Эрон халқига қарши террорчилик амалиёт деб баҳолади.
Кеча Эрон президенти Ҳасан Руҳоний Теҳронда Эрон Ислом Инқилобининг 41- чи йиллиги муносабатида бўлиб ўтган бу учрашувда, Эрон тарихи, маданияти ва цивилизацияси билан ошно бўлган инсонлар, Эрон халқини зўравонлик, таҳдид, ноҳақ сўз ва босимлар қаршисида ҳеч қачон таслим бўлмаганини яхши била олишади деб изоҳлади.
Ҳасан Руҳоний ўтган 2 йил ичида Эронга қарши АҚШ босимлари ва санкцияларини янада ошганига тўхталиб, Теҳрондаги турли мамлакталар элчилари, ваколатхоналари ва чет эл ташкилотлари раисларига хитобан, ўтган 8 ой ичида барча иқтисодий кўрсаткичлар жумладан Эрондаги инфляция ва сармоя киритиш мезони ҳамда иш билан таъминлаш ва иқтисодий ўсиш рақамлари АҚШнинг барча фитналари ва Эронга қарши сиёсатларини мағлуб бўлганидан далолат бермоқда деб қўшимча қилди.
Эрон президенти ўз сўзларида Эроннинг афсонавий генерали Қосим Сулаймонийни ҳардоим минтақда тинчлик ва осойишталик ўрнатиш пайида бўлганига ишора этиб, Оқ уй режими минтақада ижро этаётган сиёсатлари минтақа тинчлиги ва халқлари манфатларига зид бўлиб, ҳамда АҚШ халқининг манфаатига ҳам эмас деб аниқлик киритди.
Руҳоний шунингдек Эрон ислом жумҳурияти ўз ҳарбий қудратини ҳеч қачон тажовуз учун ишга солмаганини таъкидлаб, Эрон Ислом Инқилобининг мурожаати, санкциялар ва терроризмни ҳимоя қилишни тўхтатиш, ҳамда ҳамжиҳат бўлиб яшашга қаратилган деб баён этди.
Теҳрондаги турли мамлакатлар элчилари, ваколатхоналари раислари ва чет эл ташкилотлари намояндалари ҳам бу маросимда Исломий Инқилоб ғалабасининг 41 -чи йиллиги муносабати билан Эрон президентини табрикладилар.
