Харрозий: Генерал Сулаймоний қотилларини ӯта кучли тарсаки кутмоқда
Эрон Ислом Жумҳуриятининг Ташқи алоқалар бўйича стратегик кенгаши раҳбари америкалик ҳарбийларни минтақадан чиқариб юбориш аниқ мақсад эканлигини таъкидлаб, деди: "Генерал Сулаймоний қотилларини ӯта кучли тарсаки кутмоқда".
ИРНА-нинг пайшанба куни кечқурун берган хабарига кўра, Эрон Ислом Жумҳурияти Ташқи алоқалар стратегик кенгаши раиси Саййид Камол Харрозий шаҳид генерал Сулаймонийнинг халқчил нуфузи ва шаҳодатининг халққа таъсири ҳақида гапириб, илова қилди: Шаҳид Сулаймоний пок жисмини тупроққа топшириш маросимининг шукуҳ-шаҳомати унинг халқ орасидаги нуфузини яққол кӯрсатди. Бу нарса жиноятчи Америка президенти Доналд Трамп юзига урилган тарсаки эди,
2020 йил 3 январ куни Ироқдаги Бағдод аэропорти яқинида АҚШ тажовузкорлари ва террорчилари томонидан уюштирилган ҳаво ҳужумида Исломий Инқилоб Соқчилари корпуси Қудс кучлари қўмондони генерал Қосим Сулаймоний шаҳид бўлди.
Эроннинг Халқаро алоқалар бўйича стратегик кенгаши раҳбари, шунингдек, АҚШнинг минтақадаги сўнгги ҳарбий ҳаракатлари ва сионистик босқинчи режимини ҳаракатга келтириш орқали Ислом Жумҳурияти манфаатларига қарши кескинликларнинг вужудга келтирилиши эҳтимоли ҳақида гапирди: Бу аслида психологик урушдан бошқа нарса эмас. Америкаликлар ва Сионистлар Эроннинг бирор иш қилишидан ӯта хавотирдалар ва шу сабабли улар минтақадаги ҳарбий ҳузурлари ёки музокаралар олиб бориш билан психологик урушни авж олдиришмоқда.
"Агар америкаликлар номаъқулчилик қилишса, уларга табиий равишда жиддий жавоб қайтарилади", - деди Харрозий.
