Ҳазрат Фотима Заҳро /саломуллоҳи алайҳо/ шаҳидлиги кунлари муносабати билан барчангизга тасаллият билдирамиз
-
Ҳазрат Фотима Заҳро /саломуллоҳи алайҳо/ шаҳидлиги кунлари муносабати билан барчангизга тасаллият билдирамиз
Бугун /душанба/ 2025-чи йил 24 ноябрь, ҳижрий-қамарий 1447 йил жимодиюлаввал ойининг 13 санаси, ислом пайғамбари Ҳазрат Муҳаммад /с/нинг азиз қизлари ҳамда муъминлар амири ҳазрат Али /а/нинг умр йўлдоши Ҳазрат Фотима саломуллоҳи алайҳонинг шаҳид бўлган санасидир.
Ислом азиз пайғамбари Ҳазрат Муҳаммад /с/нинг фарзандлари Ҳазрат Фотимаи Заҳро /с/ беъсатининг 3 чи йили жимодиюссоний ойининг 20 чи кунида Маккаи мукаррама шаҳрида дунёга келгандилар. Ҳазрат Фотима /с/ аёл болалигидан ўз падари бузургворлари Ҳазрат Муҳаммад /с/ қарамоғи, ҳидоятлари ва тарбияти билан илоҳий маърифат билан танишдилар. У киши илоҳий манбасидан кўп баҳраманд бўлган Аллоҳнинг марҳаматли зотларидан эдилар. Ҳазрат Фотима Заҳро саломулоҳи алайҳо умри давомида саховатлилик, фидоийлик, кечиримлилик, сабр-тоқат, қаноат, Аллоҳга ибодат қилиш ва қўл остидагиларга ёрдам беришни энг гўзал тарзда намоён этган ва ушбу буюк аёл бағрида Ҳазрат Имом Ҳасан /а/ ва Ҳазрат имом Ҳусейн /а/ каби буюк зотлар вояга етганлар.
Ҳазрат Фотимаи Заҳро 18 йил ҳаёти ҳамда уша вақтдаги золим ҳокимлариниг зулм истибдоди ҳамда падари бузургворларининг вафотидан кейин дучор бўлган ранж ва қайғу натижасида /айрим ривоятларга кўра ҳижрий- қамарий 11 чи йил жимодиюлаввал ойининг 13 куни ва бошқа ривоятларга қараганда жимодиюссоний ойининг 3 санасида/ шаҳид бўлдилар.
Ушбу санада аҳли байт ва исмат таҳорат издошлари, Эроннинг турли минтақаларидаги масжидлар, ҳусейниялар айниқса муқаддас машҳад шаҳридаги Ҳазрат Имом Ризо /а/ ҳарамлари ҳамда Қум шаҳридаги Ҳазрат Маъсума /с/ нинг ҳарамига бориб расули акрам /с/нинг суюкли қизлари Ҳазрат Фотимаи Заҳро /с/ шаҳодат топган кунида мотам тутиб азо маросимларини ўтказишади.
Эрон телерадиокомпанияси ҳам ушбу қайғули фурсатларда барча муъмин-мусулмонларга тасаллият билдиради.
