Эрон илдиз (ствол) ҳужайралари соҳасида жаҳонда қандай мавқега эга?

Юз минглаб илдиз ҳужайра намуналарини захира қилиш ва илғор даволаш технологияларини жорий этиш орқали Эрон ушбу соҳада жаҳон миқёсида етакчи мамлакатлар сафидан ўрин олган.

Сўнгги уч ўн йил мобайнида Эрон илдиз ҳужайралари йўналишида салмоқли илмий ва амалий тараққиётга эришди. 1991 йилда мамлакатда илк бор суяк илиги кўчириб ўтқазилиши амалга оширилиб, ҳужайравий терапияларнинг асоси қўйилди. Кейинчалик ихтисослашган илмий-тадқиқот ва тиббий марказлар босқичма-босқич шаклланди.

Pars Today хабар беришича, 2000-йиллар бошида Эрон инсон эмбрионал илдиз ҳужайралари линияларини яратишга муваффақ бўлиб, минтақада етакчи давлатлар қаторида ўз мавқеини мустаҳкамлади.Киндик қони банклари, жумладан Руён банки (2005 йилда ташкил этилган) ҳамда Эрон Қон қуйиш ташкилотининг Миллий банки (2010 йил), юз минглаб намуналарни сақлаб келмоқда ва минглаб беморларни даволашда ҳал қилувчи аҳамият касб этмоқда. Илмий ютуқлар қаторига индукция қилинган кўп қувватли илдиз ҳужайраларини яратиш, ҳайвонларни клонлаш (машҳур «Руёна» қўйи) ҳамда болаларда мия фалажи ва юрак касалликларини даволаш бўйича муваффақиятли клиник тадқиқотлар киради.Айни пайтда Эрон ҳужайравий терапиялар бўйича жаҳонда 8-ўринни эгаллаб турибди ва мамлакат тиббий марказларида 2400 дан ортиқ илдиз ҳужайра кўчириб ўтқазиш амалиёти бажарилган. Санкцияларга қарамасдан, эронлик олимлар халқаро конгресс ва илмий анжуманларда фаол иштирок этмоқда ҳамда диабет, Альцгеймер каби мураккаб касалликларни даволаш борасида истиқболли келажакни шакллантирмоқда.Бу йўл Эронда илдиз ҳужайралари нафақат самарали даволаш воситаси, балки мамлакатнинг илмий салоҳияти ва келажакка бўлган ишонч рамзи эканини яққол намоён этади.

*Эроннинг жаҳон миқёсида илмий ишлаб чиқаришдаги улуши қанча?