СЕВГИ ИЗТИРОБИ сериали намойиши тўхтатилди
16 февраль куни Ўзбекистондаги ZO’R TV канали баҳсга сабаб бўлган Туркиянинг “Севги изтироби” сериали намойишини тўхтатди.
ZO’R TV канали 3,5 ойдан буён намойиш этилаётган “Севги изтироби” сериали жума куни тўхтатилганини эълон қилди.
16 февраль куни ушбу сериалнинг ўзбекчага ўгирилган 120-қисми намойиш қилиниб, фильм сўнггида “1-фасл тугади” деган ёзув берилди.
Ўзбекистон Матбуот ва ахборот агентлиги томонидан рўйхатга олинган азон.уз ахборот порталида кейинги ўн кун ичида турк сериалининг соф исломий ахлоқ нормаларига зид экани иддао этилган бир нечта мақола эълон қилинган.
15 февраль куни Озодлик мақолани нашр қилган портал муассиси Мубашшир Аҳмад ва сайт бош муҳаррири Муҳаммад Темир Аъзам билан ҳам суҳбатлашган. Уларнинг ҳар иккаласи ҳам “ZO”R- TV” каналида намойиш қилинаëтган “Севги изтироби” фильми соф исломий ахлоқ нормалари ва миллий менталитетга зидлиги боис танқид нишонига айланганлигини айтишган, бироқ улар эълон қилган мақолада экстремистик чақириқ йўқ¸ дея таъкидлашганди.
"Севги изтироби" сериалининг тўхтатилиши ижтимоий тармоқларнинг ўзбек сегментида кенг муҳокама қилинмоқда. Айримлар, сериал тўхтатилганинига афсус билдирса, баъзилар буни олқишлаган.
