Трамп Венесуэлага ҳарбий юриш қилишнинг заминаларини муҳайё қилмоқда
-
АҚШ президенти Дональд Трамп
Венесуэлада сиёсий ўзгаришларнинг янги даври бошланиши билан АҚШ Лотин Америкасидаги нефт захираларига бой ушбу мамлакатга қарши дахолат этиш учун ошкора тарзда ўз ҳаракатини шиддат билан кучайтирган.
Америка президенти Дональд Трамп Венесуэла давлатига мухолиф Хуан Гуайдони қўллаб-қувватлашиши ва ушбу мамлакатнинг президенти унвонида уни расман эътироф этишини эълон қилиш зимнида, Венесуэланинг сўлчи давлати ва ушбу мамлакатнинг қонуний президенти Николас Мадурони ағдариш учун ўз сайъ-ҳаракатларини кучайтирган.
Дональд Трамп Венесуэланинг ички ишларига дахолат этиш сиёсатини давом эттириб, чоршанба куни Хуан Гуйдо билан телефон орқали сўҳбатлашди.
Трамп телефон орқали қилган ушбу сўҳбатда, Хуан Гуайдони қўллаб-қувватлашишини такрор этиб, келаси кунларда олдиндан режалаштирилган кўча намойишлар ўтказилишини таъкидлади.
Шунингдек, Америка президенти ўзининг Твиттер саҳифасида чоп этган ўз паёмида, Венесуэла халқини Николас Мадуро давлатига қарши қиём қилишга чақирди.
Трамп Венесуэла вазъиятига ишора этиб, эркинлик учун кураш бошланган,-деб иддао қилди.
АҚШ президентининг бундай позиция олиши шуни кўрсатадики, у ўзини дунё ҳокими деб билади ва АҚШ президентлиги лавозимига сайланганидан бўён қўллаган зўравонлик ва биртомонлама сиёсатлари йўлида БМТ хавфсизлик кенгашининг рухсатисиз халқаро ташкилотларни айланиб ўтиш билан БМТ ташкилотига аъзо мамлакатнинг ички ишларига бевосита аралашиш ва ушбу мамлакатдаги давлатни ағдаришга қодир деб уйлайди.
Венесуэла билан иқтисодий уруш олиб бориш йўлида Вашингтон Мадуронинг молиявий манбаларига тўсиқлик яратиш учун оғир санкцияларни жорий этиш ҳамда Венесуэла халқига нисбатан босим ўтказишни кучайтириш масаласини ўз ишчи дастурига киритган.
Америка миллий хавфсизлик маслаҳатчиси Жон Болтон ҳам Венесуэлага иқтисодий босим ўтказиш йўлида Каракас билан савдо-сотиқ қилиш ҳақида какмпаниялар ва банкларга огоҳлантириш берди.
Трамп давлати Мадуро давлатини ағдариш учун Венесуэланинг Америкада мусодира этилган мол-мулкларнинг бир қисмини Хуан Гуайдонинг ихтиёрига берди.
Шуни зикр этиб ўтиш жоизки, Америка ҳукумати Венесуэла давлатини ағдариш учун ҳарбий вариантдан фойдаланишни кўзга тутган.
Америкалик расмийлар бир неча маротабалар Венесуэланинг бўҳронли вазъиятига қарши курашиш йўлида барча вариантлардан фойдаланишни эълон қилишди.
Табиийки, бу масала Мадурони ағдариш учун ҳарбий кучдан фойдаланиш эҳтимоли борлигидан далолат беради.
