Варвор шаршараси

Эрон жануби-шарқидаги Кирмон вилояти Эрон ҳудудининг 11% дан ортиғи ва тахминан 183 193 квадрат километр майдонга эга бўлган Эрондаги энг йирик вилоятдир. Бу вилоят Эроннинг тарихий вилоятларидан бири бўлиб, 660 дан ортиқ миллий обидалар рўйхатга олинган. Улардан 7 та обида ЮНЕСКОнинг Жаҳон мероси рўйхатига киритилган.

Кирмон вилояти иқлими ҳар хил бўлган ўлка. Кермон шимолида Лут чўли чўллари жойлашган, аммо Кермон вилоятининг жануби ва жануби-ғарбий қисми яшил рангга эга ва баъзан мамлакат шимоли ва ғарбидаги ёмғирли ҳудудларни эслатади. Керман вилоятининг бу ҳудуди ажойиб ва ​​ҳайратланарли табиий диққатга сазовор жойларга тўла. Ҳалил дарёси каби ўнлаб йирик, доимий дарёлар ва унинг устидаги катта тўғон уни дунёдаги энг катта табиий гулхонага айлантиради. Бу ҳудудларнинг ўзига хос иқлим шароити билан бир қаторда беғубор табиати, кенг ситрус боғлари ва поёнсиз ўрмонлари, ердан табиий равишда сизиб чиқувчи юзлаб дарёлар ва сув қудуқлари жанубий Кермон гўзаллигига гўзаллик қўшган энг муҳим омиллардандир. Кўплаб сайёҳларни ўзига жалб қиладиган ажойиб табиат. Аммо Эроннинг ушбу минтақасининг энг ҳайратланарли ва ажойиб диққатга сазовор жойларидан бири Варвор шаршараси бўлиб, у Яқин Шарқдаги энг баланд шаршара сифатида танилган. Қуйида биз сизни ушбу гўзал шаршара билан таништирамиз. Биз билан қолинг.

Кўплаб мутахассислар ва сайёҳлар Яқин Шарқдаги энг баланд шаршара деб ҳисоблайдиган Варвор шаршараси жанубий Жабол-Борез тоғ тизмалари этагида ва    Анбаробод туманида жойлашган. Узунлиги 250 км бўлган Жабол-Борез тоғ тизмаси Эрон жануби-шарқидаги энг узун тоғ тизмаси ҳисобланади. Бу шаршаранинг баландлиги 175 метр, суви эса 3740 метр баландликдаги Аламшоҳ тоғидан бошланади. Варворга бориш учун аввало Рудфарқ қишлоғига бориш керак. Руд Фарқ қишлоғидан шаршарагача бўлган масофа тахминан 10 км. Дарёнинг икки томонидаги тоғлар жуда тик қиялик билан тўсилган ва дарёдан ўтишнинг ягона йўл жуда тик ва нотекис қиялик ва баъзи жойларда бир-бирининг устига қўйилган жуда катта гранит жинсларнинг мавжуд бўлган ўтади. Агар бу ерда бирор нарса йўқолса, уни топиб бўлмайди. Бу қийин йўл ҳаракатни секинлаштиради. Шу сабабли бу 10 км масофани босиб ўтиш учун тахминан 3-4 соат вақт кетади. Бу шаршаранинг географик жойлашуви унга фақатгина табиатнинг ашаддий ихлосмандлари  ташриф буюришига сабаб бўлади ва бу табиатнинг дахлсиз қолишига сабабдир.

Шаршаранинг гўзаллиги ва улуғворлигидан ташқари, Баланд дарахтлар билан қопланган ўрмонлар, унинг атрофидаги боғлар, наргиз гулзорлари ва қушларнинг кўп турлари ҳам диққатга сазовордир. Варвор шаршарасига етиб борувчи йўлда “Дуқулу” ва “тахт” шаршараларини ҳам кўриш мумкин. Варвор шаршараси ва унинг атрофида, шунингдек, Самурун тош қалъасининг тарихий ёдгорликлари, Фарқ ва Салор Ризо қалъалари ва у ердаги қадимий иншоотлар ҳам бор. Ҳозирда уларнинг пойдевори ва деворларигина қолган бўлса-да, бу обидалар ўз вақтида мустаҳкам ва машҳур қалъалар бўлганидан далолат беради.

Керман вилояти жанубидаги яна бир гўзаллик Делфорд сайёҳлик ҳудуди бўлиб, у энг катта ўрмон қўриқхонаси "Аноре шайтон" яқинида жойлашган. Делфорд Туз дарёсининг асосий ирмоғи оқиб ўтадиган водийда жойлашган. Водийнинг юқори оқимида булоқлар жойлашганлиги сабабли, бу ҳудудда ўнлаб гўзал шаршаралар пайдо бўлган, бундай шаршараларни фақат ғарбий Эроннинг бир нечта вилоятларида кўриш мумкин. Ўрта ер денгизи иқлими билан ҳам дунёга машҳур бўлган бу минтақа Кермон чўли вилоятининг мўъжизаларидан бири ҳисобланади. Делфорднинг иқлими ҳайратланарли, чунки баъзида Делфорддан 25 км узоқликда жойлашган Жирофтда об-ҳаво 50 даража Селсийга яқинлашса, бир вақтнинг ўзида Делфордда сайёҳ Ўрта ер денгизи минтақаси иқлимини ҳис қилади.

Тропик ўсимликлар ёнига совуқ ўсимликларни жойлаштиришга муваффақ бўлган бу ҳудуднинг ўсимликлари одамларни ҳайратда қолдиради. Водий бўйлаб сайр қилсангиз, ёнғоқ, ўрик ва гилос, хурмо, ситрус мевалари каби дарахтларга кўзингиз тушади. Дарё бўйида малина, анжир, олхўри каби турли ёввойи меваларни ҳам кўрасиз. Тоғ ёнбағрига борсангиз, ёввойи писта, бодом каби дарахтларга дуч келасиз.

Ҳудудга ташриф буюриш учун энг яхши мавсум - баҳор. Баҳорда Делфорд ўт, ялпиз ва бошқа ўтларнинг иси билан бўй таратади. Бутун манзара ҳар бир томошабинни ҳаяжонга соладиган тасвирга ўхшайди. Тоғлар ва қоялар худди Ҳиндистон ёки Африкададек   шаклланган. Кирмоннинг бу ҳудуди Эроннинг Кичик Ҳиндистони деб аталиши бежиз эмас. Чунки Кўп кутилмаган ҳодисаларга бой кичик ер.