Эрон музейларига саёҳат -22
Остон Қудс Разавий музейи, Машҳад
Остон Қудс Разавий музейи қимматли тарихий ва диний ёдгорликларни қалбидан жой олган қимматли хазинадир.
Ушбу музей ҳозирда турли хил музейлар тўпламини ўз ичига олади. Аммо илгари у фақат битта музейни ўз ичига олган. Биринчи музей биноси ҳижрий 1324 йилда (милодий 1945) Андрé Годард томонидан 1024 квадрат метр майдонда қурилган. Аммо кейинги йилларда Остон Қудс Разавий музейи анча кенгайди. Ҳозиргача Остон Қудс Разавий музейлари умумий майдони 17 000 квадрат метрдан ортиқ бўлиб, улар орасида “Қуръон ва хазиналар музейи”, “Марказий музей”, “Ихтисослаштирилган гиламлар музейи” ва "Антропология музейи" мавжуд.
Ушбу қимматбаҳо музейларда 8000 дан ортиқ нафис буюмлар сақланади. Улар орасида тарихий сангаб, ёғоч эшиклар, олтин ва кумушлар, тилла меҳроблар, гилам ва матолар, тангалар, штамплар ва бошқаларни қайд этишимиз мумкин.
- Остон Қудс марказий музейи тўрт қаватли бўлиб, 11 та махсус хазинани ўз ичига олади. Унинг турли хазиналарида кулолчиликдан тортиб тангалар ва гўзал сув ҳайвонларини топиш мумкин.
- Тош ва кулолчилик буюмлари коллекцияси хазинаси" музейнинг энг гўзал жойларидан биридир. Имом Ризо (а.с.) зиёратгоҳига нисбат берилган биринчи қабр тоши унда жойлашган.
- Тасвирий санъат хазиналари музейи Эрон ва хорижий рассомларнинг натурализм, рангтасвир ва абстрактнинг турли услубларида тасвирланган 30 та расми мавжуд.
– Марка ва банкноталар хазинасида 422 минг донадан ортиқ марка ва бошқа почта жўнатмалари, 14 минг варақ купюра ва 27 минг дона танга мавжуд.
– Гилам музейи тўрт қаватли бўлиб, шундан учтаси кўргазма майдонидир. Тўртинчи қават устахона ишларига бағишланган.
- Қуръон хазинаси ва қимматбаҳо хазиналар музейи ичида Имом Али (а.с.), Имом Ҳасан (а.с.), Имом Ҳусайн (а.с.), Имом Сажжод (а.с.) ва Имом Ризо (а.с) қўл ёзувлари билан боғлиқ бўлган нафис Қуръон саҳифаларининг ноёб саҳифалари мавжуд.
