Pars Today

Россия президенти Владимир Путин сешанба куни Кремлда Германия канслери Олаф Шултс билан учрашувдан сўнг ўтказган матбуот анжуманида Ғарбни Россия чегараларига ҳужум қуролларини жойлаштиришдан тийилишга ва НАТОнинг шарқда кенгайишини тўхтатишга чақирди. Унинг таъкидлашича, Россия урушни истамайди ва шунинг учун муштарак хавфсизликни таъминлаш учун таклифлар берган, аммо шундай бўлса-да, ғарб томонидан бу таклифларга муноси

Украина шарқидаги вазиятга тўхталар экан, Путин Донбасда содир бўлаётган воқеалар геноцид ҳодисаси эканлигини ва Киев ҳукумати турли йўллар билан, жумладан, Украинанинг русийзабон аҳолисини камситиш орқали инсон ҳуқуқларини мунтазам равишда бузаётганини айтди. 

Путин, шунингдек, Россия Думасининг Донетск ва Луганск мустақиллигини тан олган резолюцияси қабул қилинганига ишора қилиб, Минск келишувидан ҳамон умидвор эканлигини ва уни амалга ошириш учун ҳали кеч эмаслигини айтди.

Россия Думаси сешанба куни резолюцияни 351 киши ёқлаб, 16 нафари қарши ва бир нафар бетараф овоз билан қабул қилди. Қарор амалга ошириш учун Россия президентлигига юборилган, агар Путин уни имзоласа, Россия Донетск ва Луганск республикаларини тан олади.

Путиннинг Россиянинг Украина билан урушга киришиш истаги йўқлигига урғу бериши аслида Ғарбнинг, хусусан, АҚШнинг Россиянинг Украинага ҳужум қилишга тўлиқ тайёр эканлиги ҳақидаги кенг кўламли психологик ва ташвиқот урушига муносабатдир. Қўшма Штатлар НАТОни бошқаришда муҳим рол ўйнади ва ҳатто Вашингтон расмийлари ҳужум чоршанба, 16 феврал куни содир бўлишини даъво қилишди.

Бироқ, Москва нуқтаи назаридан, бу айбловлар АҚШ ва унинг НАТО бўйича иттифоқчилари учун Украинани янада кўпроқ ҳарбий жиҳозлаш ва Шарқий Европа, шунингдек, Россияга туташ Қора денгиз ва Болтиқ денгизларида ҳарбий иштирокини ошириш учун шунчаки баҳонадир. Россия Мудофаа вазирлиги сешанба куни бир қатор рус қўшинларининг Беларусдаги ҳарбий машғулотлари якунлангани ва қайтиш жараёни бошланганини эълон қилди.

Бу ҳақда Россия Ташқи ишлар вазирлиги расмий вакили Мария Захарова маълум қилди:Ғарбнинг Россиянинг Украинага қарши уруши ҳақидаги тарғиботи муваффақияцизликка учради.

Бироқ, Вашингтон аввалги даъволарини такрорлашда давом этмоқда. АҚШ президенти Жо Байден сешанба куни кечқурун қилган чиқишида шундай деди: "Россиянинг Украинага ҳужуми ҳали ҳам амалга оширилиши мумкин ва биз дипломатияга Украина инқирози устидан ғалаба қозониш учун барча имкониятларни беришимиз керак".У таъкидлади:Тангликни пасайтириб, Россия Украинада яқинидаги ҳарбий қўшинларини олиб чиқиши керак”

АҚШнинг провокацион ва жанговар ёндашувига қарамай, Европанинг йирик давлатлари, хусусан, Германия ва Франсия Шарқий Европадаги урушнинг ҳалокатли оқибатларидан хавотирда. Германия канслери Олаф Шултс Путин билан учрашгандан сўнг берган баёнотида, Россия қўшинларининг Украина яқинига жойлаштирилиши таҳдид эканлигига ишора қилиб, музокаралар ўтказиш ва мавжуд инқирозга барҳам беришнинг ҳамон имкони борлигини, Россия қўшинларининг бир қисми Украина чегарасидан чекиниши  муҳим қадам эканлигини билдирди. Шултс деди: Украинанинг НАТОга аъзо бўлиши ҳозирда НАТО кун тартибида эмас.

Шу тариқа, европаликлар Россия ва Украина ўртасидаги тарангликни пасайтириб, вазиятни тинчлантиришни истайди. АҚШ эса Шарқий Европада доимий равишда кескинлик алангасини қўзғатмоқда.