«Бир макон — бир йўл» форуми йиғилиши бошланди, Шавкат Мирзиёев унда чиқиш қилади

Пекинда Хитой халқ республикаси раиси Си Жинпинг «Бир макон — бир йўл» форуми доирасида доира стол атрофидаги йиғилишни очиб берди.

Кун.ўз сайтига кўра, 29 давлат раҳбарлари йиғилиш ўтказиладиган саройга етиб келишган ва йиғилиш бошланишидан олдин суратга тушишган.

Ўзбекистон президенти Шавкат Мирзиёев йиғилишда чиқиш қилиши кутилмоқда.

Йиғилиш матбуот учун ёпиқ режимда ўтади. Муҳокамалар якунида давлатлар раҳбарлари биргаликда суратга тушишади ва ишчи тушлик ўтказилади.