Бугун «Насаф» Қаршида Қатарнинг «Ас-Садд» клубини қабул қилади
-
«Насаф» Қаршида Қатарнинг «Ас-Садд»
Футбол бўйича Осиё Чемпионлар Лигасида бугун — 5 март куни гуруҳ босқичининг 3-тур беллашувлари старт олади. Унинг доирасида Қаршининг «Насаф» клуби Қатар Юлдузлар Лигасининг етакчиларидан бири бўлган «Ас-Садд» клубини қабул қилади.
Беллашув 18:30 да старт олади. Гуруҳдаги иккинчи ўйин 18:45 да бошланади. Унда Эроннинг «Персеполис» клуби Теҳронда Амирликларнинг «Ал-Васл» жамоасини қабул қилади.
«Насаф» Чемпионлар Лигасининг илк турини Теҳронда ўтказиб, йирик мағлубият қабул қилиб олганди — 0:3. Кейин эса Қаршида «Ал-Васл» мағлуб этилди — 1:0. Хави каби футболчиси бор бўлган «Ас-Садд» эса халқаро майдонда йўқотишларсиз бормоқда. «Ал-Васл» майдонида 2:1 ҳисобида зафар қучган қатарликлар, «Персеполис»ни Доҳада 3:1 ҳисоби билан таслим қилганди.
Бу сафар испаниялик Хави жамоадошларига ёрдам бера олмайди.
«Насаф» — «Ас-Садд» учрашуви япониялик рефери Иида Жумпеига ишониб топширилган. Беллашув Sport-TV орқали жонли кўрсатилади.
«Ас-Садд» Қатар Юлдузлар Лигасида мавсум якунига 3 та тур қолганида пешқадам «Ал-Дуҳайл»дан 5 очко кам жамғариб, 2-ўринда бормоқда. 3-ўриндаги «Ар-Райян» эса 7 очколик фарқ билан ортда.
Чемпионлар Лигаси
«C» гуруҳи. 3-тур
5 март, душанба
«Насаф» — «Ас-Садд» 18:30
«Персеполис» — «Ал-Васл» 18:45
