Мирзиёев ва Путин ўртасида телефон орқали мулоқот бўлиб ўтди
-
Мирзиёев ва Путин
ТОШКЕНТ, 20 апр – Sputnik. Ўзбекистон президенти Шавкат Мирзиёев ва Россия президенти Владимир Путин ўртасида телефон орқали мулоқот бўлиб ўтди. Бу ҳақда Кремл матбуот хизмати хабар берди.
Хабарга кўра, томонлар Россия ва Ўзбекистон ўртасида стратегик шериклик ва барча соҳаларда ўзаро ҳамкорликни янада кучайтириш борасидаги келгуси режаларни тасдиқладилар.
Суҳбатда 19 апрел куни ишга туширилган Марказий Осиёдаги йирик объектлардан бири бўлган Қандим газни қайта ишлаш мажмуаси улкан аҳамиятга эга эканлиги таъкидлаб ўтилди.
Қайд этилишича, Россиянинг "Лукойл" компанияси иштирокида барпо этилган мазкур юқори технологияли корхона Ўзбекистонда нефт-газ соҳасининг самарали ривожланишига хизмат қилади.
Томонлар шунингдек, юқори даражадаги бўлажак мулоқотлар жадвалини муҳокама қилишди.
