Бекобод постида гиёҳванд моддалар контрабандаси тўхтатиб қолинди
декабр 22, 2018 11:12 Asia/Tashkent
Тошкент вилояти божхона бошқармаси ва Давлат хавфсизлик хизмати Тошкент вилояти бошқармаси ходимлари ҳамкорликда олиб борган тезкор тадбир давомида наркотик моддалар контрабандасига чек қўйилди.
Бекобод туманидаги «Ойбек» йўл-патруль масканида олиб борилган тезкор тадбирда Spark автомобили кўздан кечирилди. Мазкур жараёнда ҳайдовчи ўриндиғи остидан 2 дона думалоқ шаклдаги полиэтилен ўрамлар топилди.
Ўрамлар холислар иштирокида очиб кўрилганида уларнинг ичидаги модда 947,4 грамм оғирликдагидаги опий гиёҳвандлик воситаси эканлиги аниқланди.
Ҳозирда ушбу ҳолат юзасидан текширув ҳаракатлари олиб борилмоқда.