Ўзбекистон бензин ишлаб чиқаришни қисқартирди
-
Ўзбекистон бензин ишлаб чиқаришни қисқартирди
Ўзбекистон 2019 йил январида бензин ишлаб чиқаришни 2018 йилнинг шу даврига нисбатан 31,8 фоизга қисқартирди - 71,6 минг тонна. Бундан Давлат статистика қўмитаси маълумотлари дарак бермоқда.
2019 йил январь ойида дизель ёқилғиси ишлаб чиқариш ҳажми 81,7 минг тоннани ташкил қилди, бу 2018 йилнинг шу даврига нисбатан 14,2 фоизга кўпдир.
Шу билан бирга, Ўзбекистон 2019 йил январь ойида нефть қазиб олишни 2018 йилнинг шу даври билан таққослаганда 5 фоизга камайтирди - 60,6 минг тонна.
Табиий газ қазиб олиш 2019 йил январида 5,24 миллиард куб метрни ташкил этди, бу 2018 йилнинг шу даврига нисбатан 2,9 фоизга кўп.
Ўзбекистон 2019 йил январида 185,4 минг тоннадан ортиқ газ конденсати ишлаб чиқарди, бу 2018 йилга нисбатан 0,3 фоизга кам.
Эслатиб ўтамиз, аввалроқ Ўзбекистон январь ойида қанча енгил автомобиль ишлаб чиқаргани маълум бўлганди.
