Иш ташлашлар тўлқини Британия дипломатия аппаратига етиб келди
Британия ҳукмрон партиясининг Ливерпулдаги йиллик конференцияси бошланиши ва ҳукумат фаолиятига норозилик кучайиб бораётган бир пайтда, бу мамлакат Ташқи ишлар вазирлигининг норозилик билдираётган ходимлари ҳам кенг кўламли иш ўринларини қисқартириш режаси ва иш ўрни хавфсизлигининг кучайишига жавобан ишни тўхтатадилар.
Парс Тудей ИРНАга таянган ҳолда хабар беришича, Британия давлат ва тижорат хизматлари касаба уюшмаси (Пи-Си-Эс) эълон қилдики, ушбу касаба уюшмаси аъзолари Ташқи ишлар вазирлигида душанба куни 28 сентябрда ишни тўхтатадилар ва Лондон ҳамда Шотландиянинг Ист Килбрайд шаҳридаги ушбу вазирлик биноалари олдида норозилик сафларини тузадилар.
Эълон қилинган режага кўра, душанба куни иш ташлаш тўлиқ иш куни давомида бўлади ва ходимларнинг йиғилиши эрталаб соат 8 дан 10 гача Лондоннинг Кинг Чарлз кўчасидаги Ташқи ишлар вазирлигининг марказий биноси ва Ист Килбрайддаги «Аберкрамби Хаус» биноси олдида бўлиб ўтади.
Бу чора Ташқи ишлар вазирлиги ходимларининг пайшанба куни бўлиб ўтган ярим кунлик иш ташлашининг давоми сифатида амалга оширилади ва унинг вақти Ливерпулда Лейбористлар партиясининг йиллик конференцияси ўтказилиши билан бир вақтга тўғри келди. Ушбу конференция якшанбадан чоршанбагача давом этади ва унда ҳукуматнинг юқори мартабали вазирлари ҳукмрон партиянинг келажакдаги сиёсати ва дастурлари ҳақида сўз қилмоқчилар.
Пи-Си-Эс касаба уюшмаси душанба куни бўладиган иш ташлаш Британия Ташқи ишлар вазири «Эд Милибэнд»нинг Лейбористлар партияси конференциясидаги нутқи билан атайлаб бир вақтга мослаштирилганини эълон қилди, унинг ходимларнинг иш низосига бевосита аралашуви учун унга бўлган босимни кучайтириш мақсадида.
Норозилик билдираётган ходимлар айтишича, Ташқи ишлар вазирлигини қайта ташкил этиш режаси минглаб кишиларнинг иш ўрни хавфсизлигини хавф остига қўйган ва ушбу вазирлик раҳбарияти ҳалигача ходимларни мажбурий қисқартиришнинг олдини олиш бўйича аниқ кафолат бермаган.
Касаба уюшмасининг баҳолашига кўра, ушбу режанинг тўлиқ амалга оширилиши тахминан 2 минг иш ўрнининг қисқартирилишига олиб келиши мумкин, бу вазирлик ишчи кучининг қарийб 25 фоизига тенгдир.
Тўлов тизимини ўзгартириш ва фаолиятни баҳолашга боғлиқ тўловларга ўтиш ҳам норозиликнинг бошқа асосий йўналишларидан биридир. Ходимлар айтишича, бу усул ходимларнинг иш ҳақи миқдоридаги фарқни ошириши ва уларнинг келажакдаги иш ўрни ҳақидаги ташвишларини кучайтириши мумкин.
Касаба уюшмасининг сўзларига кўра, Британия Ташқи ишлар вазирлигининг ўнлаб ходимлари қайта ташкил этиш жараёнида руҳий босим, хавотир ва ўзларининг келажакдаги иш ўрни ҳақида ташвишга дуч келганлар.
