Токио олимпиадасида ўзбекистонлик Давлат Бобонов дзюдо бўйича бронза медални қўлга киритди
-
Токио олимпиадасида ўзбекистонлик Давлат Бобонов дзюдо бўйича бронза медални қўлга киритди
Токио ёзги Олимпиядасида Дзюдо бўйича -90 кг вазн тоифасида Ўзбекистон шарафини ҳимоя қилаётган Давлат Бобонов бронза медали учун кечган баҳсларда иштирок этиб ғалаба қозонди.
Токио ёзги Олимпиядасида Дзюдо бўйича -90 кг вазн тоифасида ўтиш баҳсида Бобонов испаниялик Николос Шеразадишвилини вазари баҳоси билан мағлуб этди. Бронза учун кечган баҳсда эса туркиялик Миҳаэл Зганкни иппон баҳоси билан енгиб, бронза медалига эга чиқди.
24 ёшли Бобонов 1/16 финалда италиялик Николас Мунгайни мағлуб этган, 1/8 финалда украиналик Нябали Кежауни енгган бўлса, чорак финалда грузиялик Лаша Бекаурига имкониятни бой берди.
Шу тариқа Бобонов Ўзбекистон делегациясига иккинчи медални тақдим этди. Аввалроқ таэквондочи Улуғбек Рашидов олтин медални қўлга киритганди.
