Санкт-Петербургда Танзила Нарбаева ва Валентина Матвиенконинг учрашуви бўлиб ўтди
-
Санкт-Петербургда Танзила Нарбаева ва Валентина Матвиенконинг учрашуви бўлиб ўтди
Ўзбекистон Олий Мажлиси Сенати раиси Танзила Нарбаева ва Россия Федерал Кенгаши раиси Валентина Матвиенко Санкт-Петербургда учрашиб мулот қилдилар.
Учинчи Евроосиё форуми доирасида бўлиб ўтган учрашувда, икки давлат парламентлари раислари Россия ва Ўзбекистон орасидаги муносабатларни янада ривожлантириш, гуманитар ҳамкорлик соҳаларида аёллар ролини оширишга алоҳида эътибор беришга келишиб олинганини Спутник хабар қилган.
— Россия Ўзбекистоннинг ишончли ва вақт синовидан ўтган стратегик шериги ҳисобланади, икки томонлама муносабатларимиз фаол ривожланмоқда, – деди Олий Мажлис Сенати раиси. – Парламентларимиз аъзолари ўртасидаги мулоқотнинг фаоллашиши, албатта, Ўзбекистон ва Россия ўртасидаги кўп қиррали ҳамда узоқ муддатли ҳамкорликни янада чуқурлаштиришга алоҳида ҳисса қўшади. Икки томонлама савдо-иқтисодий ва сармоявий ҳамкорлик, шунингдек, таълим ва бошқа соҳалардаги муносабатларда аёллар ролини ошириш катта аҳамиятга эга.
Матвиенко ўз навбатида Ўзбекистонда Шавкат Мирзёев иштирокида амалга оширилаётган ишларни юқори баҳолади ва Россия ҳамкорликни янада чуқурлаштириш ниятида эканини маълум қилди.
— Биз муносабатларимизни юқори даражага олиб чиқишдан манфаатдормиз ва иқтисодий ҳамкорликни чуқурлаштириш ниятидамиз, - деди Федерация Кенгаши раиси.
Ундан ташқари учрашувда парламентлараро ҳамкорликнинг истиқболлари, МДҲ Парламентлараро ассамблея доирасидаги ўзаро ҳамкорлик, шу жумладан, ПА Кенгаши, Ассамблеянинг ялпи мажлиси ва ёшлар мажлисини 2022 йилнинг кузида Ўзбекистонда ўтказиш масалалари ҳам муҳокама қилинди.
