Миср Парламенти Сенати Раиси Тошкентга келди
-
Миср Парламенти Сенати Раиси Тошкентга келди
Ўзбекистон Олий Мажлис Сенати Раиси Танзила норбоева таклифига биноан, Миср Араб Республикаси Парламенти Сенати Раиси Абдулваҳоб Абдулрозиқ бошчилигидаги делегация Ўзбекистонга келди.
Ўзбекистон Олий Мажлис Сенати Раиси Танзила Нарбаеванинг таклифига биноан Тошкентга келган Миср Араб Республикаси Парламенти Сенати Раиси Абдулваҳоб Абдулрозиқ бошчилигидаги делегацияни Олий Мажлис Сенати раисининг биринчи ўринбосари Содиқ Сафоев кутиб олди.
Аниқ сайтининг хабар қилишича, Миср делегацияси аъзолари «Янги Ўзбекистон» боғига ташриф буюриб, Мустақиллик монументига гулчамбар қўйди.
Ўзбекистонга келган Миср делегацияга ушбу меъморий ансамбль мазмуни ва ўзига хос жиҳатлари ҳақида маълумот берилди.
Ташриф давомида Абдулваҳоб Абдулрозиқ бошчилигидаги делегациянинг Олий Мажлис палаталари раҳбарлари билан учрашувлари ҳамда кўҳна Самарқанднинг тарихий ва меъморий обидаларига ташрифи режалаштирилган.
