ионистик режим ҳарбийлари Ғарбий соҳилда «Пресс ТВ» журналистини ўғирлаб кетди
Сионистик режим ҳарбийлари «Пресс ТВ» телеканали журналисти Нақо Ҳамидни ўғирлаб кетиб, номаълум жойга олиб кетди.
Порс Тудейнинг Тасним ахборот агентлигига таяниб хабар беришича, сионистик режим ҳарбийлари чоршанба куни террорчилик ҳаракати билан Байтулмуқаддас яқинидаги Туқу шаҳри атрофида жойлашган назорат пунктига ҳужум қилиб, «Пресс ТВ» телеканали журналисти Нақо Ҳамидни ўғирлаб кетди ва номаълум жойга олиб борди.
Ҳамид тасвирга олиш гуруҳи билан бирга ҳаракатланаётган пайтда Исроил ҳарбийлари уларни Иордан дарёсининг Ғарбий соҳилидаги Байтуллаҳм шаҳрининг жануби-шарқида жойлашган Туқу шаҳри яқинидаги назорат пунктида тўхтатган. Унинг ҳамкасбларидан бири «Пресс ТВ»га маълум қилишича, Исроил кучлари гуруҳни тинтувдан ўтказганидан сўнг Ҳамидни олиб кетган ва тасвирга олувчиларни озод қилган.
Фаластинлик журналист Нақо Ҳамид бир ойдан буён сионистик аккаунтлар томонидан киберҳужумларга дуч келаётган эди. Улар мақсадли ҳаракат доирасида ўхшаш мазмундаги материалларни бир хил услубда тарқатиш орқали Ҳамидга қарши медиа босим кампаниясини кучайтиришга уринган.
Нақо Ҳамид аввал ҳам ҳарбий ҳужумга учраган. Сионистик режим кучлари шу йилнинг мордод ойи ўртасида унинг босиб олинган Қуддуснинг шимолидаги Қаландия қочқинлар лагерига сионистлар ҳужумини ёритиши чоғида воқеа жойида бўлган журналистларга ҳужум қилган. Бу ҳужум натижасида «Пресс ТВ» телеканали журналисти жароҳатланган.
Сионистик ҳарбийлар журналистларга овозли гранаталар отиш ва кўз ёшартувчи газ сочиш орқали ҳужум қилган пайтда, уларнинг кийимларида журналистларга хос профессионал белгилар яққол кўриниб турган.
