Ироқнинг собиқ президенти вафот этди

Жалол Талабоний 83 ёшида Германияда оламдан ўтди

Ироқнинг собиқ президенти Жалол Талабоний 83 ёшида Германияда оламдан ўтди. Бу ҳақда Ирна ахборот агентлиги хабар қилди. Жалол Талабоний Курдистон ватанпарварлари иттифоқи бош котиби ҳам бўлган.

Жалол Талабоний 1933 йилда Ироқнинг Арбил шаҳрининг яқинида таваллуд топган. Талабоний Ироқнинг араб бўлмаган илк президенти эди. У мамлакатга 2005 йилдан 2014 йилгача раҳбарлик қилган. Саддам диктатурасига қарши кураш олиб борган Жалол Талабоний Саддам режими қулатилганидан кейин, Ироқнинг янги сиёсий тизимини ташкил этилганидан кейин Ироқнинг бирлиги ва ҳамжиҳатлиги йўлида муҳим рол ўйнади. 

Талабоний 2012 йилда инсультни бошдан кечирган. У кўп йиллардан буён беморликни бошдан ўтказди. Жалол Талабоний сешанба куни оламдан ўтди. 

Эрон ислом жумҳурияти президенти Ироқнинг собиқ президенти ва Ироқ Курдистони ватанпарварлари иттифоқи бош котибининг вафот этганлиги муносабати билан Ироқ давлатига ва халқига ҳамдардлик изҳор этди.