Саудия арабистони подшосининг саройида отишма юз берди

Арабистон оммавий ахборот воситалари ва расмийларининг Риёзда шанба куни кечқурун содир этилган отишма ҳақида бир неча соатлик сукутларидан кейин

Арабистон оммавий ахборот воситалари ва расмийларининг Риёзда шанба куни кечқурун содир этилган отишма ҳақида бир неча соатлик сукутларидан кейин, Ол Сауд режимининг расмий ахборот агентлиги ўйинчоқ учадиган аппаратнинг яқинлашгани Саудия подшосининг саройида отишма содир этилишига сабаб бўлди деб иддао қилишди.

Форс ахборот агентлигининг якшанба куни тарқатган хабарига кўра, Арабистон пойтахти Риёзнинг регионал полициясининг исми ошкор қилинмаган матбуот котиби бир-бирига қарама-қарши бўлган баёнотларга муносабат билдириб шундай айтдики, хавфсизлик кучлари ушбу кичкина учар аппаратга қарата ўқ узишган ва уни йўқ қилишган. Лекин ҳеч қандай хавфсизлик ҳодисаси рўй бермаган. 

Арабистон полицияси матбуот котиби Саудиянинг Сабақ рўзномасининг интернет тармоғи эълон қилган хабарга асосан шундай айтдики, шу каби учувчисиз учадиган аппараталарнинг парвоз қилишлари учун рухсат берилмаган. Шу боис, хавфсизлик кучлари зарурий топшириқларни амалга оширишга киришган. 

Айрим Саудия манбалари ҳам ушбу учувчисиз учадиган аппаратда жосуслик камераси ўрнатилганини иддао қилишди. 

Саудия режимига қарши бўлган эътирозчиларга таалуқли бўлган манбалар ҳам шундай маълум қилишдики, Саудия арабистонининг қуруқликдаги кучларининг юқори мартабали офицери шоҳ ва валиаҳдни ўлдириш учун урингани эҳтимоли юқоридир. 

Шунингдек, айрим тасдиқланмаган хабарларга кўра, Саудия арабистони подшоси Малик Салмон ярадор бўлган ва у шифохонага олиб борилган ҳамда ушбу отишмада олти нафар кишининг ўлдирилган.