Фаластинда 3 кунлик мотам эълон қилинди
-
Фаластинда 3 кунлик мотам эълон қилинди
Фаластин етакчиси Маҳмуд Аббос исроиллик ҳарбийлар томонидан 14 май куни отиб ташланган ўнлаб фаластинликларнинг хотирасига 3 кунлик мотам ва Нақбанинг (миллий фалокат) 70 йиллиги муносабати билан 15 май куни иш ташлаш ўтказилишини эълон қилди
Ғазода Исроил ташкил топганининг 70 йиллиги ва бу юбилейга бағишлаб АҚШ элчихонасининг Ал-Қудсга кўчирилиши сабабли норозилик намойишлари бўлиб ўтмоқда.
Исроиллик аскарлар барча намойишчиларни ўққа тутмоқда. Фаластин соғлиқни сақлаш вазирлиги маълумотларига кўра, шаҳид бўлганлар сони 52 кишини ташкил қилмоқда.
Яна 2,4 мингдан кўпроқ одам ярадор бўлган. 15 май куни фаластинликлар иш ташлаш акциясини ўтказишмоқчи.
Маҳмуд Аббоснинг таъкидлашича, Фаластин АҚШни Фаластин-Исроил ихтилофида воситачи сифатида қабул қилмайди ва бир давлат эмас, балки бир қатор давлатлар иштирокида халқаро конференция ўтказиш йўли билан халқаро ҳамкорликни истамоқда.
