Нетаняху кабинетига қарши 38-ҳафта кетма-кет норозилик намойишлари давом этмоқда

Минглаб сионистлар Нетаняху вазирлар маҳкамасининг суд тизимини ўзгартириш режасига қарши 38-ҳафта кетма-кет турли шаҳарларда намойиш ўтказдилар.

Эрон телерадиокомпаниясининг ўзбек тилидаги сайтининг хабар қилишича, минглаб сионистлар кеча тунда Тел-Авив ва босиб олинган Фаластиннинг бошқа ҳудудлари кўчаларига 38-шанба куни Нетаняху кабинетига қарши норозилик намойишига чиқишди ва суд тизимидаги мунозарали қонун лойиҳасининг маъқулланишидан ғазабланишди.

Ўтган ўттиз етти ҳафта ичида кўчманчилар босиб олинган Фаластиннинг шимолдан жанубгача бўлган ўнлаб шаҳарларида, жумладан Тел-Авив, Ҳайфа, босиб олинган Қуддус, Биршеба, Ришон Лецион ва Герзлияда ционистик режимнинг суд тизимидаги ўзгаришлар туфайли Нетаняхунинг ўта ўнг қаноти кабинетига қарши намойиш ўтказдилар.

Сионистик режим мухолифати раҳбарлари Нетаняху вазирлар маҳкамасининг суд тизимини заифлаштиришга қаратилган суд ўзгаришларини ва бу шахснинг унинг учта молиявий коррупция ва порахўрлик иши бўйича судланишига тўсқинлик қилишга уринишини баҳоламоқда. Улар вазирлар маҳкамасининг бу ҳаракатлари сионистик режимни можаро ва фуқаролар уруши ва аста-секин қулашига олиб келади, деб ҳисоблайдилар.

Нетаняхунинг иддиосича, бу лойиҳа даъво қилинган демократияга таъсир қилмайди ва унинг мақсади институтлар (қонун чиқарувчи, ижро этувчи ва суд) ўртасидаги мувозанатни тиклашдир.

• Сионистик армия: Нетаняхунинг кабинети зудлик билан ағдарилиши керак