Ғазо секторидан Боб-ул-Мандабгача/ Яман минтақавий тенламаларга қарши чиқди

Яман Ғазо аҳлини ҳалокатли қамал остида қолдирган очлик уруши қаршисида жим турмади ва сионистик режимга қарши денгиз иқтисодий блокадасининг тўртинчи босқичи бошланганини эълон қилиб, жанг майдонида янги қадам ташлади.

Фаластин халқини қўллаб-қувватлаш мақсадида Яман денгиз флоти кемалар ҳаракатини тўлиқ назорат қилади ва сиоинстик режим билан ёрдам ёки савдо йўлида ҳаракатланаётган ҳар қандай кема нишонга олинади. ИСНОга таяниб, Порс тудей сайтининг хабар қилишича,  Яман қуролли кучлари  Исроил режими портлари билан боғланган кемалар ёки уларга бевосита ёки  билвосита боғланган кемаларни нишонга олган денгиз блокадасининг тўртинчи босқичи бошланганини эълон қилганидан сўнг, Исроил режими тобора ортиб бораётган хавотирни бошдан кечирмоқда.

Операциянинг ушбу босқичи доирасида Яман армияси матбуот котиби Яҳё Сариъ ҳам куни кеча берган баёнотида, Яманнинг ракета ва учувчисиз ҳаво кучлари сиоинстик режими нишонларига қарши махсус ҳарбий  амалиётлар ўтказди ва барча амалиётлар  ўз мақсадларига эришди.

Шу муносабат билан ҳарбий ва стратегик масалалар бўйича эксперт, бригада генерали Абдулғани Аз-Зубайдий ҳам Ал-Аҳд ахборот агентлиги билан суҳбатида, Санъо ҳукумати қарори Исроил режими иқтисодиёти ва денгиз савдоси учун бевосита оқибатларга олиб келишини маълум қилди. Унга кўра, кўплаб кемалар Яман ҳаракатидан қўрқиб, Боб-ул Мандаб бўғози, Қизил денгизи ва Мукрон денгизига /Ҳинд океанининг шимолий қисми/ киришдан бош тортган.  Мазкур шартлар денгиз суғуртаси харажатларининг кескин ошишига олиб келди ва компанияларга қўшимча босим ўтказди. Бу яманлик ҳарбий амалдор Яман нафақат иқтисодий соҳада, балки ҳарбий соҳада ҳам  устунликка эга эканлигини таъкидлади.

Ғазо қамал ва очарчилик остида бўлса-да, Яман иқтисодий босимни кучайтириш ва оммавий ҳарбий  жавоб таҳдиди билан минтақавий тенгламаларни ўзгартириши мумкинлигини кўрсатади. Афтидан, вақт ўтиши билан Яманнинг минтақавий урушдаги ўрни кучайиб бормоқда ва бу мамлакат сионистик режимга қарши янги "сюрприз" уюштиришга тайёр.