Яманнинг "Ансоруллоҳ" ҳаракати Америкага қарши курашиш тайёргарлигини оширди

Яманнинг "Ансоруллоҳ" ҳаракати АҚШнинг эҳтимолий ҳужумига қарши туриш учун ҳарбий ва фуқаролик соҳаларида тўлиқ шайлик ҳолатига ўтганини эълон қилди.

"ParsToday"нинг "Ирна" агентлигига таяниб хабар беришича, Ямандаги "Ансоруллоҳ" ҳаракатидаги манба душанба куни маълум қилишича, ҳаракат раҳбариятининг кўрсатмасига биноан барча куч тузилмалари ва давлат идоралари АҚШнинг эҳтимолий ҳужумига қарши туриш учун шайлик ҳолатига келтирилган.

Мазкур хабарга кўра, "Ансоруллоҳ"нинг тайёргарлик даражасини ошириши ҳарбий ва фуқаролик соҳаларини қамраб олади ва эҳтимолий тажовузга жавоб қайтариш учун зарур жиҳозлар ва қурол-яроғларни жойлаштириш чоралари кўрилмоқда.

Манбанинг қўшимча қилишича, "Ансоруллоҳ" мудофаа қобилиятини кучайтириш билан бирга, тиббий ва хавфсизлик чоралари, қутқарув кучларини сафарбар қилиш ва фавқулодда тиббий вазиятларга тайёргарликни ўз ичига олган комплекс фавқулодда режаларни ишлаб чиққан. Унинг сўзларига кўра, махсус фавқулодда қўмита ташкил этилиб, келажакдаги ҳар қандай фавқулодда вазиятларни бошқариш учун маълум бюджет ажратилган.

Яманлик манбанинг баёнотига кўра, "Ансоруллоҳ" жавоб ҳужумларини амалга ошириш учун ракета, ҳаво ва учиш воситалари учун янги платформаларни жойлаштирган ва ўз назорати остидаги ҳудудларни назорат қилишни сақлаб қолиш учун турли бўлинмаларнинг тайёргарлик даражасини оширган.

Агар АҚШ томонидан ҳужум содир этилса, Яман ўзининг янги ишлаб чиқилган қуроллари, жумладан, товушдан тез учочи баллистик ракеталар, денгиз ракеталари ва учиш воситаларидан ер ва денгиз нишонларини йўқ қилиш учун фойдаланиши кутилмоқда.