АҚШлик республикачи сенаторларнинг бу мамлакат уруш вазирига нисбатан ишончсизлиги кучаймоқда

Ҳил сайтининг ёзишича, Эрон урушининг чӯзилиши ва бу урушни Қизил денгиз гача кенгайиши билан, АҚШ республикачи сенаторларнинг бу мамлакат уруш вазири- Пит Хегестга нисбатан ишончсизлиги янада ошмоқда.

Порс тудей сайтининг хабар қилишича, АҚШнинг Ҳил сайти шундай ёзди: АҚШ республикачи қонунчиларининг айримлари, феврал ойидан бери дунёда газ ва нефт нархини ошишига сабаб, Ҳурмуз бӯғозини қайта очишда мағлубиятини танқид қилган.

Сўнгги кунларда урушнинг Қизил денгизга ёйилиши, «The Hill» нашри ёзишича, яманлик кучлар Саудия нефть танкерларини нишонга олгани билан боғлиқ ҳолат, айрим республикачи сенаторлар фикрича, Пентагон учун кутилмаган воқеа бўлди.

Шимолий Каролина штатидан сайланган республикачи сенатор Том Тиллис америкалик нашрга шундай деди: «Мен энди Ҳегсетга ишонмайман. Менимча, у тартибсиз вазиятда қолган ва Мудофаа вазирлигидаги қатор юқори лавозимли амалдорларнинг истеъфога чиқарилиши ва ишдан бўшатилишини тезлаштирган.»

Сўнгги вақтларда Дональд Трампни танқид қилиб келаётган ушбу америкалик сенатор Ҳегсетни Пентагон каби йирик ташкилотни бошқариш тажрибасига эга бўлмаган шахс сифатида баҳолади. Унинг таъкидлашича, Ҳегсет раҳбарлигига бўлган ишонч инқирози республикачи сенаторлар орасида кучайиб бормоқда, чунки уруш харажатлари ортиб бормоқда ва барқарор тинчлик келишувига яқинлашиш аломатлари кўринмаяпти.

Бу республикачи сенатор АҚШ маъмуриятини Эроннинг урушни Боб ал-Мандаб каби муҳим стратегик бўғозга кенгайтириш эҳтимолини олдиндан баҳолай олмагани учун танқид қилди.

The Hill нашрининг ёзишича, АҚШ Конгрессида мудофаа сиёсати бўйича қарор қабул қилувчиларга яқин бўлган яна бир республикачи сенатор ҳам Ҳегсет АҚШ ҳарбий қўмондонлиги юқори доиралари қўллаб-қувватловини йўқотаётганини тасдиқлаб, бу ҳолат республикачилар орасида жиддий хавотир уйғотаётганини билдирди.

Нашр маълумотига кўра, айрим республикачи сенаторлар, айниқса, Ҳегсетнинг бир қатор юқори мартабали ҳарбийларни, жумладан Европадаги АҚШ қўшинлари қўмондони Крис Донахьюни мажбурий нафақага чиқариш тўғрисидаги қарорларидан ташвишда.

The Hill таъкидлашича, Эрон билан урушнинг чўзилиб кетиши — Трамп март ойида билдирган, уруш атиги тўрт-беш ҳафта давом этади, деган башоратига зид равишда — АҚШда кенг кўламли норозилик ва умидсизликни келтириб чиқарган.

Республикачи сенаторлар огоҳлантиришича, эндиликда Трамп талаб қилаётган тартибда ҳарбий бюджетни тасдиқлаш учун республикачилар орасида етарли қўллаб-қувватлаш мавжуд эмас ва бу жараённи амалга ошириш учун демократларнинг филибастер (муҳокамани чўзиш) тартиби орқали махсус бюджет қабул қилинишига эҳтиёж туғилиши мумкин.