Америкалик назариячи: Трамп чорасиз қолган ва ҳар томонга талпинмоқда

Америкалик назариячининг фикрича, Эронга қарши иқтисодий босим режаси ҳам натижа бермайди, чунки Трамп ҳарбий урушда мағлуб бўлган, чорасиз қолган ва ҳар томонга талпинмоқда.

Порс Тудейнинг хабар беришича, америкалик назариячи Жон Мершаймер АҚШнинг Эронга қарши иқтисодий босимни кучайтириш сиёсати муваффақият қозониши эҳтимолини рад этиб, Вашингтон нафақат Эрон иқтисодиётини тўлиқ яккалаб қўя олмаслигини, балки ўз сиёсати билан кўплаб давлатларни АҚШдан узоқлаштирганини айтди.

Чикаго университети сиёсатшунослик профессори шундай деди: «Эрон нуқтаи назаридан АҚШ ва Исроил мавжудлик учун таҳдид ҳисобланади. Ўзини бундай таҳдидга дуч келган деб билган мамлакат иқтисодий босимга осонликча таслим бўлмайди».

Мершаймер Эроннинг энг йирик савдо ҳамкори Хитой эканини таъкидлаб, Эронга қарши иқтисодий босим режаси натижа бермаслигини айтди. Унинг сўзларига кўра, Хитой бундай сиёсатга қўшилмаслигини билдирган, Россия ҳам шундай қилмайди.

Мершаймер қўшимча қилди: «Вашингтон нафақат Теҳрон, балки Пекин ва Москва учун ҳам таҳдид ҳисобланади. Хитой ва Россиянинг бу урушда Эроннинг ғалаба қозонишидан муҳим манфаатлари бор».

Америкалик назариячи таъкидлади: «Трамп ҳар томонга талпинмоқда ва чорасиз қолган, чунки у ўзини мағлубиятга учраган урушга жалб қилди. Охир-оқибат, бу АҚШ тарихидаги ташқи сиёсат соҳасидаги энг катта фожиа сифатида баҳоланади».