БМТ Хавфсизлик кенгаши Кобулда содир этилган портлашни кескин қоралади
-
Кобулда содир этилган портлаш
БМТ Хавфсизлик кенгаши Афғонистоон пойтахти Кобул шаҳрида амалга оширишлган террорчилик ҳужумни маҳкум этди.
Синхуа ахборот агентлигининг хабар қилишича, Хавфсизлик кенгаши чиқарган баёнотида, бу ҳужумда қурбон бўлган шахсларнинг яқин кишиларига ҳамдардлик билдириб, Афғонистон давлатини ушбу терактни ташкил этганлар, молиявий ҳомийлар ва омилларини жазолаши зарурлигини таъкидлади.
Хавфсизлик кенгаши шунингдек, терроризмнинг ҳар қандай шаклини Халқаро миқёсидаги тинчлик ва хавфсизлик учун жиддий таҳдид эканлигини таъкидлаб, барча мамлакатларни мавжуд абзаллар ва имкониятларидан фойдаланиб терроризмга қарши курашни кучайтиришга чақирди.
Айтиш керакки кеча худкуш ҳужумчи Кобулда камида 95 кишининг умрига зомин бўлган, 158 одам жароҳатланган. Айрим хабарларга кўра қурбонлар сони 100 нафардан ҳам ошган.
Ҳужумчилар портловчи моддалар билан тўлдирилган тез тиббий ёрдам машинасида жамоат транспорти учун ёпиқ бўлган кўча бошидаги полиция назорат нуқтасидан ўтиб кетган.
Ҳодиса собиқ Ички ишлар вазирлиги биноси ҳамда Оврўпо иттифоқи ва Тинчлик корпуси бинолари олдида содир бўлган. Толибон ҳужумни ўз зиммасига олган.
