Шимолий Корея етакчиси Жанубий Корея президентини Пхеньянга таклиф этди
-
Шимолий Корея етакчиси Жанубий Корея президентини Пхеньянга таклиф этди
Шимолий Корея етакчиси Ким Чен Ин Жанубий Корея президенти Мун Чжэ Инни Пхеньянга таклиф қилди. Бу ҳақда Юнҳаб агентлиги Жанубий Корея расмийларига асосан хабар бермоқда.
«Юнҳаб» агентлигининг хабарига кўра, тегишли таклифнома Жанубий Корея президентига Шимолий Корея етакчисининг синглиси Ким Ё Чжон томонидан топширилган.
Таъкидланишича, Шимолий Корея етакчиси Ким Чен Ин Жанубий Корея президенти Мун Чжэ Инни Шимолий Кореяга «яқин вақт ичида» ташрифни амалга оширишга чақирган.
Аввалроқ Жанубий Корея президенти Шимолий Корея етакчиси Ким Чен Иннинг синглиси билан учрашув ўтказган эди. Шунингдек, Жанубий Корея президенти шанба куни Шимолий Корея делегацияси билан учрашди.
Шимолий Корея делегациясига давлатнинг расмий раҳбари, Шимолий Корея Юқори йиғилиши президиуми раиси Ким Ён Нам раҳбарлик қилмоқда, делегация таркибидан эса шимолий Корея президентининг синглиси Ким Ё Чжон жой олган.
Делегация Корея уруши якунланганидан бери энг юқори даражага айланди. Шунингдек, тарихда илк бор Шимолий Корея етакчиси оиласининг аъзоси Жанубий Кореяга келди.
Жанубий Корея раҳбари Шимолий Корея делегациясини президентлик саройида қабул қилди. Делегация Жанубий Кореяга жума куни келган ва Пёнгчангдаги Олимпиаданинг очилиш маросимида қатнашди.
