Pars Today

Унинг якунларига кўра, давлатнинг олий лавозими учун 8 киши — бир нафар мустақил номзод ва партиялардан етти номзод кураш олиб боради

Россия Федерацияси Марказий сайлов комиссияси пайшанба куни президентликка номзодларни рўйхатга олиш жараёнини ниҳоясига етказди. Унинг якунларига кўра, давлатнинг олий лавозими учун саккиз киши — бир нафар мустақил номзод ва партиялардан етти номзод кураш олиб боради, деб ёзади Россия парламентининг расмий рўзномаси бўлмиш Парламенткая газетаси.  

Сайлов бюллетенида номзодлар алифбо тартибида жойлаштирилади. Шундай қилиб, 18 март кунги сайловларда бюллетень қуйидаги кўринишда бўлади:

Бабурин Сергей Николаевич («Россия умумхалқ иттифоқи»),

Грудинин Павел Николаевич (РФКП),

Жириновский Владимир Вольфович (РЛДП),

Путин Владимир Владимирович (мустақил номзод),

Собчак Ксения Анатольевна («Фуқаролик ташаббуси»),

Сурайкин Максим Александрович («Россия коммунистлари»),

Титов Борис Юрьевич (Равнақ партияси),

Явлинский Григорий Алексеевич («Яблоко»).

Ўз номзодини мустақил илгари сурувчилар ва парламент аъзоси бўлмаган партиялардан номзодлар учун сайловчилар имзосини тўплаш мажбурий шартлардан бири эди. Ўз номзодини мустақил илгари сурувчи номзод (бу — Владимир Путин) 31 январгача камида 300 минг, лекин 315 мингдан ортиқ бўлмаган имзо, партиялардан номзодлар эса камида 100 минг, лекин 105 мингдан ортиқ бўлмаган имзони МСКга топширишлари шарт эди.

Парламент партияларидан номзоди илгари сурилганлар имзо тўплашдан озод этилган эди, шу сабабли РЛДПдан Владимир Жириновский ва РФКПдан Павел Грудинин қайддан ўтиш жараёнини биринчи бўлиб тугаллаб олишган эди.