Россия АҚШнинг Сурияга қарши эҳтимолий ҳужуми ҳақида огоҳлантирди

Россиянинг Европа иттифоқидаги доимий намояндаси Американинг Сурияга қарата амалга оширадиган эҳтимолий ҳужуми ҳақида огоҳлантирди. 

Тасс ахборот агентлигинг хабар қилишича, Владимир Чизов ўз чиқишида шундай айтганки, агар Американинг Сурияга қарши ҳужумлари натижасида Россия фуқароларига зарар етказилса жиддий оқибатларга олиб келади.   

АҚШ президенти Дональд Трамп Сурияда катта ҳарбий амалиёт бошлашига ишора қилди.

Бундан олдинроқ Россиянинг Ливандаги элчиси Александр Засипкин «Ал-Минор» телеканалига берган интервьюсида маълум қилган эдики, Россия Сурия ҳудудига учирилган америкаликларнинг ракеталарини уриб тушириш қарорида қатъий қолади. У Сурияга ҳужумга жавобан ўт очилишини таъкидлаганди.

Қайд этиш керакки, АҚШ президенти илк марта америкалик ҳарбийлар Сурия ҳудудига зарба беришга ҳозирланаётгани ҳақида расман маълум қилмоқда. Америкаликлар Дамашқ яқинида, Шарқий Ғута ҳудудига Сурия армияси томонидан кимёвий ҳужум қилинганини иддао қилишмоқда ва бунинг учун Сурия ҳукуматига қарши ҳужум қилмоқчи. Лекин Сурия давлати ушбу химиявий ҳужумга алоқадор эмаслигини таъкидлаб келмоқда.