Болтон:Эрон нефт экспортини бутунлай тўхтатиш учун Америка муваффақ бўлмаган

АҚШ президенти Эрон ядровий келишувини энг ёмон бўлган шартномалардан бири деб ҳисоблайди.

Америка давлати Эрон Ислом Жумҳуриятига қарши янги санкцияларни амалга оширмоқчи. 4-куни бошланадиган ушбу санкцияларда  асосий мақсад Эрон нефти экспортини  ва банклар билан бўладиган муомалаларни бутунлай тўхтатиш эълон қилинган.

Ҳақиқатан ҳам Америка Эронга қарши кенг кўламли иқтисодий урушни бошлаган. АҚШ президенти Дональд Трамп жорий йилнинг сентябрь  ойида дунё мамлакатларидан  5-ноябрдан олдин Эрондан нефт сотиб олишни тўхтатишни  тавсия  этган эди. Зеро ушбу кунда санкцияларнинг янги босқичи бошланади. Бироқ белгиланган мазкур ултиматумнинг куни яқинлашган бўлсада, Америка ушбу заминада кўплаб муаммолар билан юзмаюз бўлган.

Бешинчи ноябрь куни Эрон нефтига қарши Американинг санкциялари бошланиши маълум қилинган бўлсада, АҚШ масъуллари ушбу санкцияларнинг биринчи қадамида Эрон нефти экспортини нолга етказиш имкони қийин кечишини эътироф қилишган.

Оқ уй Миллий хавфсизлик маслаҳатчиси Жон Болтон чоршанба куни қилган чиқишида  Эронга қарши янги санкциялар орқали Америка ўзининг дўст ва иттифоқчиларига зарар етказмаслигини иддао қилди.

Унга кўра, Трамп ҳукумати айрим мамлакатлар Эрондан нефт сотиб олишни бирданига тўхтиш имконига эга эмаслкларини яхши  тушунади.

АҚШ давлати якуний натижа Эрон нефти экспортини нолга етказиш эканлигини доимий тарзда таъкидлаб келмоқда.

АҚШ Давлат котиби   матбуот хизматининг маълум қилишича, Америка ҳукумати Эрондан нефт сотиб олишни камайтирувчи айрим мамлкатлар учун баъзи имтиёзларни кўзлаган.

Эрон хом нефтини сотиб олувчи бешта асосий  мамлакатдан учтаси, яъни Хитой, Ҳиндистон ва Туркия  Вашингтон ҳукумати томонидан Эрон нефтини сотиб олмаслик бобидаги талабларга қаршилик қилишмоқда.

Америка ҳукумати Эрон нефт экспортини бутунлай тўхатиш учун қодир эмаслигини тушунгач, айрим мамлакатларга  санкциялар вақтида имтиёз беришини иддао қилган.

Американинг Эронга қарши янги санкциялари халқаро миқёсда кўплаб хавотирларга сабаб бўлган.

Халқаро Энергетика Агентлигининг эълон қилишича, жаҳон нефт бозори  қисқа бўлган тинч бир даврга эга бўлган эди. Аммо жорий йилнинг ноябь ойида Эронга қарши бошланадиган  АҚШнинг янги санкциялари сабабли ушбу бозорда янги тўфонлар бошланади.

Ҳолбуки, Америка масъуллари жаҳон нефт бозорида янги санкциялардан кейин салбий ўзгариш юзага келмаслигини иддао қилишган.