Катта Жорж Буш вафот этди
декабр 01, 2018 10:36 Asia/Tashkent
-
Катта Жорж Буш вафот этди
Нашр хабар қилишича, Буш 30 ноябрга ўтар кечаси вафот этган.
1 дек - Sputnik. АҚШнинг собиқ президенти катта Жорж Буш 94 ёшида оламдан ўтди. Бу ҳақда The Washington Post хабар бермоқда.
Нашр хабар қилишича, Буш 30 ноябрга ўтар кечаси вафот этган.
Жорж Герберт Уокер Буш 1924 йилнинг 12 июнь куни Массачусетс штатининг Милтон шаҳрида туғилган, АҚШнинг 41-президенти (1989—1993 йилларда), Рональд Рейган даврида АҚШнинг 43-вице-президенти (1981—1989 йилларда), конгрессмен, дипломат, Марказий разведка директори.
Катта Жорж Буш 2017 йил 24 ноябридан АҚШнинг тарихдаги энг кўп умр кўрган президенти бўлиб келаётганди.
Унинг кичик ўғли Жорж Буш АҚШнинг 43-президенти, яна бир ўғли Жеб Буш Флорида губернатори лавозимини эгаллаган.
