Марокашда тумандан сув олинади (видео)
Қуруқ минтақалар аҳолиси ичимлик сувини ғамлаш учун барча имкониятлардан фойдаланади.
Африкада ва бошқа иссиқ мамлакатларда асрлар давомида одамлар ҳатто эрталабки шудрингни ҳам сув қилиб тўплаган. XXI аср технологиялари сувни тумандан ҳам олиш имконини берди.
Ҳаво массасини совутиш натижасида сув буғлари ер яқинидаги объектларга конденсация қилинади ва сув томчиларига айланади. Қуруқ туманларда вертикал экранларни ўрнатиш орқали ушбу конденсатни тўплаши мумкин. Бу ҳолда сувнинг манбаи туман бўлиши мумкин ва бу технология биринчи марта 1980 йилда Канадада қўлланилган. Ушбу мамлакатда намлик тақчиллиги йўқ, тажриба метеорология хизмати томонидан илмий мақсадлар учун амалга оширилган.
Тумандан сув ичган биринчи одамлар чилиликлар эди: 90 йилларда El Tofo тоғида конденсация тизими қурилди, яқин қишлоққа қувур ётқизилди. Кунига камида 15000 литр сув олиш мумкин эди, бироқ ўн йил ўтиб лойиҳа тўхтади. Бунинг сабаби тизимни таъмирлаш учун маблағнинг йўқлиги эди. Шундай қилиб, технология ўзини оқлади, аммо асосий масала уни молиялаштириш эди.
2000 йилларда Марокашда одамларни сув билан таъминлашга сармоя киритишга тайёр бўлган ноҳукумат ташкилот топилди. Морокаш жануби-ғарбий қисмида жойлашган тоғларнинг ўн минглаб метр баландлигида, туманни конденсациялайдиган ўнлаб тармоқлар ўрнатилди.
Кейин сув конденсати ифлосликлардан тозаланиб, сув таъминотига жўнатилади. Марокашда ўрнатилган тизим кунига 6000 литр сув ишлаб чиқаради. Ушбу лойиҳани амалга оширган Dar Si-Hmad компанияси, Бирлашган Миллатлар Ташкилотининг махсус мукофотига сазовор бўлди.
