Британияда телефонига берилиб кетган эркак каналга тушиб кетди (видео)
декабр 25, 2018 17:56 Asia/Tashkent
Британиянинг Ноттингем шаҳрида телефонига берилиб кетган эркак канални сўқмоқ йўл деб ўйлаб, сувга тушиб кетди.
Ролик ноябрь ойида шаҳар пабларидан бирига ўрнатилган кузатув камерасига тушиб қолган. Видеода эркак мобил телефони экранига тикилган ҳолда устини барглар қоплаган каналга яқинлашади. У олдинга қадам ташлаганда сувга қулайди ва типирчилай бошлайди. Икки киши ёрдамга югуриб келиб, уни қирғоққа олиб чиқади.
Кейинроқ аниқ бўлишича, британиялик барглар билан қопланган сув юзасини йўлакча гумон қилиб, телефонга чалғиганлиги сабабли оёғи остига қарамаган.
