Москвада америкалик фуқаро жосусликда гумонланиб ҳибсга олинди
Январ 01, 2019 11:08 Asia/Tashkent
АҚШ фуқароси Пол Уилан Россия пойтахти Москва шаҳрида жосусликда гумонланиб қўлга олинди. Бу ҳақда Россия Федерал хавфсизлик хизматининг жамоатчилик билан алоқалар маркази хабар берган.
Эркак 28 декабрь куни жосуслик акциясини ўтказиш вақтида қўлга олинган. Унга нисбатан жосуслик айби қўйилган бўлиб, бунинг учун 20 йилгача озодликдан маҳрум қилиниши мумкин.
Уиланга нисбатан "жосуслик" моддаси бўйича жиноят иши қўзғатилган.
Россия ТИВ ахборот ва матбуот департаменти ҳам АҚШ элчихонаси америкалик фуқаро қўлга олингани ҳақида хабардор қилинганини маълум қилди.
Ҳолат юзасидан бошқа тафсилотлар ошкор қилинмаган.