Европа Суперлигаси шаклланиши билан жаҳон футболида зилзила вужудга келди
Европанинг 12 та йирик клублари қўшма қарорида янги Европа Суперлигаси мусобақасида иштирок этишларини ва Чемпионлар Лигасини тарк этишларини эълон қилишди.
Европанинг ўн икки футбол клуби қитъа футболида "Европа супер лигаси" деб номланган янги лига ташкил этилганини расман эълон қилди.
"Милан", "Ювентус", "Интер", "Реал", "Барселона", "Атлетико", "Челси", "Арсенал", "Ливерпул", "Манчестер Сити", "Манчестер Юнайтед" ва "Тоттенхем" ушбу лигада иштирок этишади.
Бу янгилик эълон қилингач, Италия ва Англия сингари Европанинг футбол соҳасидаги йирик федерациялари ва касаба уюшмалари Европа Суперлигасининг шаклланишига қарши чиқдилар. Айни пайтда, энг муҳим реакция қитъа футболининг етакчи органи Европа футбол ассоциацияси (УЕФА) томонидан қайд қилинди. У Европа Суперлигасини шакллантиришга қарши эканлигини эълон қилишдан ташқари, мусобақада иштирок этадиган жамоалар футболчиларига қитъа ёхуд жаҳон миқёсидаги бошқа мусобақаларда қатнашиш тақиқланади, дея таҳдид қилди. Демак, энди уларга ўз терма жамоаларида ўйнашга ҳам рухсат берилмайди.
