Европа Иттифоқи: Косоводаги вазият хавфли
-
Европа Иттифоқи: Косоводаги вазият хавфли
Европа Иттифоқи ташқи сиёсати расмийси Жосеп Боррел Косоводаги ҳозирги вазиятни хавфли деб ҳисоблади.
Асосан этник серблар бўлган Косово ва Метохиянинг шимолий ҳудудларида сўнгги ҳафталарда полиция ва этник серблар ўртасида шиддатли тўқнашувлар кузатилмоқда.
Эрон телерадиокомпаниясининг ўзбек тилидаги сайтнинг хабар қилишича, Европа Иттифоқининг ташқи сиёсати бўйича масьул Жосеп Боррел чоршанба куни Косово бош вазири Албин Корти билан учрашди ва суҳбатдан сўнг Косово шимолидаги ҳозирги вазиятни хавфли ва беқарор деб атади. Боррелл, шунингдек, Косоводаги кескинликни зудлик билан пасайтириш ва эришилган келишувни амалга ошириш жараёнини илгари суриш учун мулоқот орқали ечим топишга чақирди.
Козо бош вазири Албин Курти ҳам ушбу учрашувдан кейин таъкидлади:Сербия томонидан яратилган Косоводаги сўнгги воқеаларга аниқлик киритилиши керак.
Косово Бош вазири қўшимча қилди:Косово ва Сербия ўртасидаги келишувни амалга ошириш учун ҳаракат қилиш керак, лекин менимча, биз бу йўлда етарли иш қилмаганмиз.
Шу муносабат билан Италия бош вазири Гиоргиа Мелони ҳам НАТОнинг Косоводаги тинчликпарвар кучларига (КФОР) қилинган ҳужумни қоралади.
Италия Бош вазири, шунингдек, қўшимча қилди:Косово ҳукуматининг кейинги бир томонлама ҳаракатларига йўл қўймаслик зарур ва барча манфаатдор томонлар зудлик билан орқага чекиниши ва кескинликни пасайтиришга ёрдам бериши керак.
НАТОнинг Косоводаги тинчликпарвар кучлари (КФОР - КФОР) душанбага ўтар кечаси баёнот эълон қилиб, косоволик серб намойишчиларининг норозиликлари билан тўқнашув чоғида Косоводаги НАТО тинчликпарвар кучларининг италян ва венгрия миллатларидан бўлган бир неча аскарига ноқонуний ҳужум қилингани, ёндирувчи материалларнинг портлаши оқибатида улар синиш ва куйишлар билан жароҳатлангани ҳақида эълон қилди.
