АҚШда Трампга қарши намойишлардан мақсад нима?

Миллионлаб АҚШликлар Доналд Трампнинг иккинчи муддатга президент этиб сайланишига ва унинг "авторитар тенденциялари" га қарши норозилик билдириш учун "Қиролларга йўқ" шиорлари билан миллий намойишларда кўчаларга чиқди.

Мазкур намойиш бир нечта мақсадларга эга эди. "Қиролларга  йўқ дейиш" шиори бевосита Трампнинг ҳаракатлари ва баёнотларига ишора қилади, Намойишчилар буни АҚШда демократияга путур етказиш ва авторитар тизим ўрнатишга уриниш деб билади. Намойишчилар АҚШ президенти Доналд Трампнинг " бир умрлик ҳокимият"га интилиш ёки қонуний чекловларни четлаб ўтишга уриниш ҳақидаги риторикаси масалан уччинчи муддатга президент сифатида сайланишини Конституцияга жиддий таҳдид деб ҳисоблайди. Намойиш АҚШда "қиролга йўқ дейиш" масаласини таъкидлаб. демократик тамойилларга ишончни тиклашга ҳаракат қилди. Асосий сабаблардан бири маъмуриятнинг иммиграция бўйича қатъий чораларига, хусусан, Демократлар томонидан назорат қилинадиган шаҳарларда федерал иммиграцияни таъминлаш   (ICE) кенг тарқалган операцияларига муносабат эди. Намойишчиар бу операцияни жамоаларга ҳужум ва маҳаллий рухсатсиз норозилик намойишларини бостириш ва шаҳарларни назорат қилиш учун ҳарбийлардан ноқонуний фойдаланади, деб ҳисоблаб, буни ҳарбий ишғол сифатида қоралаб, уни тўхтатишни талаб қилишди. Намойишчилар, шунингдек, Илон Маск, Жефф Безос, ва Марк Цукерберг каби миллиардерларга фойда келтирадиган соғлиқни сақлаш, таълим ва иқтисодий сиёсат каби давлат хизматларининг қисқартиришга норозилик билдиришди. АҚШда бўлиб  ўтган ушбу умуммиллий норозилик митинда молиявий коррупция ва солиқ пулларни  Трампнинг шахсий манфаталари йўлида ишлатиш айбловлари ҳам танқид қилинди Намойишчиларнинг узоқ муддатли мақсади Трампга қарши овозсиз кўпчиликни яратиш унинг кенг омма томонидан қўллаб-қувватлаши ҳақидаги даъвосига қарши чиқиш эди.

Доналд Трампнинг ўзи қирувчи самолётдан намойишчиларниннг устига лой туширган видеони эълон қилиб, намойишчиларни масхара қилди. Бу реакциялар мавжуд сиёсий  тафовутни кўрсатди. Бироқ ҳаттоки бундай норозиликлар Трамп ва унинг тарафдорларини ўз режаларини қайта кўриб чиқишига ундаши даргумон. Республикачилар, айниқса МАГА номи билан танилган Трамп тарафдорлари ҳаракати АҚШда консерватив  кун тартибини амалга ошириш ва либераллар ва сўлларни жамоат соҳасидан четлаштириш учун тарихий имконият деб ҳисоблайди. Шу сабабдан, , яқин ҳафта ва ойларда АҚШда сиёсий ва ижтимоий кескинлик кучайишини кутиш мумкин.