БРИКС мамлакатлари глобал иқлим ташаббусларини қўллаб-қувватлади

БРИКС давлатлари халқаро иқлим ташаббусларини қўллаб-қувватлаётганини маълум қилди.

Иқлим инқирози дунёни табиат билан муносабатларни тубдан қайта кўриб чиқишга мажбур қилди. Кўплаб давлатлар 2050 йилга қадар карбон нейтралликка эришишни мақсад қилиб олган. Бироқ иқлим маълумотлари глобал исиш суръати тобора тезлашаётганини кўрсатмоқда.Pars Today агентлигининг TV BRICSга таянадиган хабарига кўра, БРИКС гуруҳига аъзо давлатларнинг аксарияти 2050–2070 йиллар оралиғида карбон чиқиндиларини соф нол даражага тушириш бўйича мажбурият олган. Таҳлилчилар таъкидлашича, бу соҳадаги ҳамкорликнинг асосий йўналишлари карбонни тартибга солиш, иқлимга мослашув, қайта тикланувчи энергия манбаларини ривожлантириш ҳамда иқлим лойиҳаларини амалга ошириш учун қўшма механизмлар яратишдан иборат бўлади.

Шу билан бирга, BRICS Plus “адолатли энергетик ўтиш” масаласига алоҳида эътибор қаратмоқда. Ушбу ёндашув мажбурий равишда карбон чиқиндиларини соф нол даражага туширишга ўтишда юзага келиши мумкин бўлган хавф-хатарларни камайтиришга қаратилган. Бу ўтиш жараёни миллий иқтисодиётларга зарар етказмаслиги ва аҳоли ҳаётига салбий таъсир кўрсатмаслиги керак. Асосан, у карбон нейтралликка эришиш йўлларини эркин танлаш, энергетик балансларни шакллантириш ҳамда миллий хусусият ва устуворликларга мос энергия тизимларини ривожлантиришга таянади.

Халқаро Шимол–Жануб коридори: савдо, геосиёсат ва минтақавий интеграция учун стратегик йўлак

БРИКС соҳасидаги яна бир янгиликка кўра, мутахассислар БРИКС олдидаги асосий муаммо жисмоний инфратузилма етишмаслиги эмас, балки умумий институционал архитектуранинг мавжуд эмаслигидир, деб ҳисоблайди. Бож тарифларини мувофиқлаштириш, божхона тартиб-таомилларини енгиллаштириш ва миллий валюталарда ҳисоб-китобларни амалга ошириш каби масалалар ушбу ташаббус муваффақиятида ҳал қилувчи аҳамиятга эга.Бу жараёнда муҳим йўналишлар алоҳида ўрин эгалламоқда. Жаҳон савдосининг қарийб 90 фоизини қамраб олган денгиз транспорти соҳасида Россиянинг Шимолий денгиз йўли Европа ва Осиёни боғловчи стратегик йўналиш сифатида кўрилмоқда. Ушбу маршрут узунлиги Суэц каналига нисбатан деярли икки баробар қисқа бўлиб, 2035 йилга келиб унда ташиладиган юк ҳажми 220 миллион тоннага етиши прогноз қилинмоқда.

Қуруқликда эса Халқаро Шимол–Жануб коридори Россияни Эрон, Ҳиндистон ва Форс кўрфази давлатлари билан боғлаб, оддий транзит йўлидан кўра кенгроқ аҳамият касб этмоқда. У Жануб глобалида иқтисодий интеграцияни чуқурлаштириш, қўшма ишлаб чиқариш ва логистика занжирларини шакллантириш учун асос бўлиши мумкин. Таҳлилчиларнинг фикрича, стандартлар фарқлилиги ва транспорт тармоқларининг парчаланганлигига қарамай, БРИКС келгуси ўн йил ичида алоҳида лойиҳалар мажмуасидан яхлит ва таъсирчан тармоққа айланади. Бу тармоқнинг асосий устунлари сифатида Шимол–Жануб коридори ва Шимолий денгиз йўли намоён бўлиб, улар жаҳон логистика мувозанатини АҚШ устунлигидаги тузилмалар зарарига ўзгартириши мумкин.

БРИКС: глобал молиявий тартиб ва янги иқтисодий архитектурага қарши чиқиш