АҚШлик олимпиячи чанғичи: биз Қўшма Штатлар вакили эмасмиз
-
АҚШлик олимпиячи чанғичи: биз Қўшма Штатлар вакили эмасмиз
АҚШлик икки нафар чанғичи қишки Олимпия ўйинларида ушбу жамоа либосини кийишга нисбатан ўзларида салбий ҳис-туйғулар борлигини, мамлакат аҳолисининг Трамп маъмурияти томонидан ўлдирилиши ортидан очиқ баён қилди.
Ўтган ой Миннеаполис шаҳрида АҚШ Миграция ва божхона хизмати ходимлари томонидан икки нафар шахснинг ўлдирилиши ортидан бутун мамлакат бўйлаб кенг кўламли норозилик намойишлари бошланди ва ҳар ким ўзича эътирозини билдирмоқда. Pars Today хабар беришича, АҚШлик олимпиячи чанғичи Ҳантер Ҳесс Италияда бўлиб ўтган матбуот анжуманида Трампнинг босқинчи сиёсатларини танқид қилиб шундай деди:«Фақатгина АҚШ байроғини кўтариб юрганим учун, бу мамлакатдаги ҳамма нарсанинг вакилиман, дегани эмас».
Шу анжуманда АҚШ чанғи жамоасининг яна бир аъзоси Крис Лиллис ҳам қуйидагиларни таъкидлади:«Кўп ҳолларда спортчилар сиёсий қарашлари ва масалаларга нисбатан қандай ҳис-туйғуда эканликлари ҳақида гапиришга иккиланишади. АҚШда содир бўлаётган воқеалар мени чуқур ранжитмоқда».
АҚШ президенти Доналд Трамп эса бу баёнотларга нисбатан ғазабини яшира олмади ва шундай деди:«Ҳантер Ҳесс — АҚШлик олимпиячи чанғичи — ҳақиқий мағлубдир. У ҳозирги қишки Олимпиадада ўз мамлакатининг вакили эмаслигини айтяпти. Агар шундай бўлса, у умуман жамоада қатнашмаслиги керак эди. Афсуски, у жамоада бор. Унга ўхшаган одамни қўллаб-қувватлаш жуда қийин».