Бугун шанба, ҳижрий-шамсий 1396 йил шаҳривар ойининг 11-си, ҳижрий-қамарий 1438 йил зилҳижжа ойининг 11-си ва милодий ҳисоб билан 2017 йил 2- сентябр.

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хизматингиздаман.

Бугун  шанба, ҳижрий-шамсий 1396 йил  шаҳривар    ойининг 11-си, ҳижрий-қамарий 1438 йил  зилҳижжа  ойининг 11-си ва милодий ҳисоб билан 2017  йил  2- сентябр.

Бундан 152 йил олдин, яъни милодий 1865 йилнинг  2 сентябрида ирландиялик математик ва физик  Уилям Рован Ҳэмилтон оламдан ўтган.  У 1805 йилда  таваллуд  топган ва болалик давридан бошлаб ўзининг зукколиги ва истеъдонини кўрсатган эди.  Ҳэмилтон ўзининг тилшунос бўлган руҳоний амакисидан  таълим олади ва 13 ёшга кирганича кўплаб хорижий тилларни ўрганади.  Кейинчалик  нужум ва физика, хусусан, нур соҳасини ўрганишни бошлайди. 22 ёшида эса нужум илмининг устози  бўлади. Ҳэмилтон математика ва физика фанларида  ҳам янги қонунларни яратади.

Бундан 80 йил олдин, милодий 1937 йилнинг 2 сентябрида франциялик тарихчи ва олимпиаданинг  янги ўйинлари  асосчиси  Пьер де Кубертин   вафот этган. У 1863 йилда таваллуд топган ва олий маълумот олганидан кейин ўқитувчилик фаолияти билан шуғулланади. Кубертин тарих фанига оид олиб борган тадқиқотлари  жараёнида қадимий Юнонда барпо бўладиган олимпиада ўйинларига қизиқади ва эсдан чиқиб кетган айрим олимпиада ўйинларини қайтадан  йўлга қўйишга уринади. Шу сабабдан у Франция ҳукуматидан ушбу  унутилган  ўйинларни  қайтадан  олимпиада ўйинларига киритишни сўрайди ва ушбу ўйинларга доир низомномани ҳам ўзи ёзади. Кубертин милодий 1896 йили Францияда Халқаро олимпиаданинг биринчи конгрессини ташкил этади ва олимпиада ўйинлари фақат инсоннинг юксаклиги ва халқлар ўртасидаги дўстлик учун эканлигини таъкидлайди.  Милодий  1898 йилда олимпиада ўйинлари расман янги қонун ва қоидалар билан бошланади ва Кубертин ўз орзусига етади. У 1925 йилгача Халқаро олимпиада қўмитасининг раиси эди.

Бундан 55 йил олдин, ҳижрий-шамсий 1341 йилнинг 11 шаҳривар ойида  Эрон шимоли-ғарбида жойлашган  Буин Заҳро тумани 7.2 балли кучли ер силкинишлари юзага келади. Ушбу даҳшатли зилзила натижасида 20 мингдан ортиқ киши ҳалок бўлиб, минглаб нафар киши тан жароҳати олишади. Зилзила кечаси юз бергани учун кўплаб одамлар  мазкур туманда ўзларини нажот беришолмайди. Буин Заҳро туманидаги ушбу ер силкинишлари натижасида  120 қишлоқ ер билан яксон бўлишади ва юзлаб хоналар бузилади.  Ушбу табиий офат юз берганидан кейин Эрон халқи зудлик билан зилзиладан зарар кўрган одамларга ёрдам беришни бошлашади. Мазкур минтақада тез-тез зилзилалар бўлиб туради. Шамсий 1381 йилда ҳам мазкур туманда  юзага келган зилзила натижасида 300 киши ҳалок бўлишган эди.

 Азизлар, “Тарихнинг ўчмас кунлари” унвонли ҳафталик эшиттиришнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.