دیدار یتیم اف با مقامات بلندپایه افغانستان در کابل
-
تاجیکستان همواره از تلاشها برای برقراری صلح در افغانستان حمایت می کند
رییس کمیته دولتی امنیت ملی تاجیکستان در سفر به افغانستان با رییس جمهوری، رییس پارلمان، مشاور امنیت ملی، معاون اول رییس جمهوری، وزیر امورخارجه، رییس شورای عالی مصالحه ملی و رییس خدمات امنیت ملی این کشور دیدار و گفت و گو کرد.
به گزارش رادیو تاجیکی صدای خراسان به نقل از خاور، سید مومن یتیم اف در این دیدارها درباره تقویت همکاریهای دوجانبه، مسایل امنیت منطقه ای و اوضاع مرزهای تاجیکستان و افغانستان با مقامات دولت کابل بحث و تبادل نظرکرد.
دراین دیدارها تلاشهای دولت کابل برای برقراری صلح، آخرین تحولات در مذاکرات بین گروههای افغان در دوحه، وضعیت امنیتی و موضع تاجیکستان درباره روند صلح افغانستان بررسی شد.
یتیم اف در این دیدارها تاکید کرده است که تاجیکستان همواره از تلاشهای دولت افغانستان برای برقراری صلح در این کشور حمایت می کند.
رییس کمیته دولتی امنیت ملی تاجیکستان همچنین درهمایش بین المللی " مبارزه با تروریسم و گسترش همکاریهای منطقه ای برای رفع تهدیدات امنیتی" در کابل شرکت و سخنرانی کرد.
بیشتر بخوانید:
- قدردانی عبدالله عبدالله از نقش حمایتی تاجیکستان در روند صلح افغانستان
- دیدار عبدالله عبدالله با رییس مجلس نمایندگان تاجیکستان در دوشنبه
- قاهر رسول زاده: افغانستان دوست و متحد تاجیکستان است
