Yəmən Ənsarullahının lideri: Qəzzada müharibə yenidən başlasa, Təl-Əviv atəşə tutulacaq

Yəmənin Ənsarullah hərəkatının lideri Təl-Əvivi hədələyib ki, Qəzza zolağında müharibə yenidən başlayarsa, işğal olunmuş Fələstin əraziləri atəşə tutulacaq.

Seyid Əbdülməlik Bədrəddin əl-Husi müqəddəs Ramazan ayı münasibəti ilə etdiyi çıxışda əlavə edib: Biz Fələstin xalqını və Fələstin qruplarındakı mücahid qardaşlarımızı və onların başında HƏMAS-ın hərbi qanadı olan İzzəddin əl-Qəssam batalyonlarını dəstəkləmək üçün qəti mövqeyimizi və dini, insani və mənəvi öhdəliyimizi vurğulayırıq.

O əlavə edib: Biz İsrail rejiminin Qəzzada atəşkəsdən yayınmaq və əsirlərin azad edilməsi ilə bağlı HƏMAS ilə razılaşmanın ikinci mərhələsinin tələblərindən yan keçmək səylərini izləyirik.

Yəmənin Ənsarullah hərəkatının lideri vurğulayıb ki, müharibənin Qəzzəyə qayıdışı sionist düşmənin bütün varlığını boğacaq və bunun üzərinə Təl-Əviv kimi tanınan işğal olunmuş Yaffa atəşə tutulacaq.