İsrail rejiminin yeni yaşayış məntəqəsi salınması planını pislədi

Parstoday: Yeddi Qərb ölkəsi İsrail rejiminin İordan çayının qərb sahilindəki “E1” yaşayış məntəqəsi layihəsi çərçivəsində tender sənədlərini dərc etmək qərarını pisləyib və bu qərarın beynəlxalq hüququn pozulması olduğunu vurğulayıb.

Parstoday-ın İRIB-ya istinadən verdiyi məlumata görə, Böyük Britaniya, Fransa, Almaniya, İtaliya, Niderland, Kanada və Norveç cümə axşamı yaydıqları birgə bəyanatda İsrail rejiminin “E1” yaşayış məntəqəsi layihəsi üzrə tikinti tenderinin elan edilməsi qərarını qəbuledilməz adlandırıb və Təl-Əvivdən bu planı dərhal geri götürməyi tələb ediblər.

Bəyanatda qeyd olunub ki, beynəlxalq ictimaiyyət uzun müddətdir bu yaşayış məntəqələrinin genişləndirilməsinə qarşı çıxır və bununla bağlı ciddi narahatlıqlarını həm açıq, həm də qapalı şəkildə ifadə edib.

Yeddi Qərb ölkəsi xəbərdarlıq edib ki, “E1” layihəsinin həyata keçirilməsi İordan çayının qərb sahilində ərazi bütövlüyünü pozaraq Fələstin əraziləri arasında parçalanma yaradacaq və müstəqil Fələstin dövlətinin yaradılması perspektivini zəiflədəcək.

Bu ölkələr həmçinin vurğulayıblar ki, beynəlxalq hüquq İsrailin İordan çayının qərb sahilində saldığı yaşayış məntəqələrinin qanunsuzluğu məsələsində aydındır və bu mövqe BMT Təhlükəsizlik Şurası tərəfindən dəfələrlə təsdiqlənib.