Ənsarullah: Sionist rejimin müdafiə sistemi bizim raketimizə mane ola bilmədi

 Yəmənin Ənsarullah hərəkatı bazar günü səhər işğal olunmuş Fələstinə raket hücumuna cavab olaraq bu raketin sionist rejimin müdafiə sistemindən keçdiyini bildirib.

Yəmən Ənsarullahının media təşkilatının vitse-prezidenti deyib: İşğal rejiminin Yəmən raketinin İsrailin hava məkanından kənarda tutulduğunu iddia etməsinə baxmayaraq, bu raket sionist rejimin bütün hava hücumundan müdafiə sistemlərindən keçə bilib. 

Sionist rejimin 12-ci kanalı bir neçə saat əvvəl Yəməndən İsrailə doğru raket atıldığını təsdiqləyib. 

İsrailin daxili cəbhəsi də hücumları təsdiqləyib və böyük Tel-Əviv ərazisində həyəcan siqnalı çalındığını açıqlayıb. 

Sionist mətbuatı həmçinin işğal olunmuş ərazilərin mərkəzində bir neçə partlayış səsinin eşidildiyini bildirib.