Norveç: Biz Fələstini tanımağa hazırıq
Apr 13, 2024 14:53 Asia/Baku
Norveçin baş naziri Yonas Qar Stör cümə günü bildirib ki, Oslo müstəqil Fələstin dövlətini tanımağa hazırdır.
Stör Osloya səfər edən İspaniyanın baş naziri Pedro Sançesin iştirakı ilə keçirilən birgə mətbuat konfransında əlavə edib: Norveç Fələstinin tanınması ilə bağlı qərar verməyə hazırdır.
O, bu qərar üçün "yekun vaxt cədvəlinin" müəyyən edilmədiyini bildirsə də, qarşıdakı həftələrdə Fələstinin tanınması üçün digər ölkələrlə səylərin və koordinasiyanın "gücləndiriləcəyini" bildirib.
Noyabrda Norveç parlamenti hökumətin müstəqil Fələstin dövlətinin tanınması təklifi ilə razılaşıb.
