AVRO 2024; İngiltərə yarımfinala vəsiqə qazandı

İsveçrə millisinə qalib gələn İngiltərə futbol komandası futbol üzrə Avropa çempionatının yarımfinalına vəsiqə qazanıb.

Futbol üzrə Avropa çempionatının dörddə bir final mərhələsi yarışlarının davamında İngiltərə və İsveçrə komandaları dünən Bakı vaxtı ilə saat 20-00-da Almaniyanın Düsseldorf şəhərinin «Merkur Spiel-Arena» stadionunda qarşılaşıblar.

Qeyd edək ki, İngiltərə və İsveçrə yığmaları yarışların səkkizdə bir finalında müvafiq olaraq, Slovakiya və İtaliya komandalarına qalib gəlməklə Avropa çempionatının yekun səkkiz üstün komandası arasında yer almışdılar.

İki komandanın doxsan dəqiqənin sonunadək ikinci qolu vurmaq üzrə cəhdəri nəticəsiz qaldı. Əlavə vaxtlarda da qapılardan top keçmədi.

Penalti zərbələrində İngiltərə komandası öz qapıçısı Cordan Pikford-un uğurlu çıxışı ilə 5-3, ümumi hesabda isə 6-4 hesabı ilə İsveçrə yığmasını məğlub etməyi və Avropa çempionatının yarımfinalına vəsiqə qazanmağı bacardı.

Dünən gecə keçirilən digər oyunda isə Niderland komandası oyunun son iyirmi dəqiqəsində Türkiyə komandası qarşısında kambek etməklə iki-bir hesabı ilə qələbə və Avropa çempionatının yarımfinal mərhələsinə vəsiqə qazandı.