Simonyan açıqlama verib

Ermənistan COP29 konfransında iştirakı ilə bağlı hələ qərar qəbul etməyib

Ermənistan parlamentinin spikeri Alen Simonyan jurnalistlərə bildirib ki, onun ölkəsi Bakıda keçiriləcək COP29 iqlim dəyişikliyi konfransında iştirak edib-etməyəcəyi ilə bağlı hələ qəra qəbul etməyib.

Simonyan deyib: “Bizim belə bir qərarımız yoxdur. Biz başa düşməliyik ki, oraya nə üçün gedirik, Ermənistanın hansı maraqları var və hansı səviyyədə iştirak edəcəyik. Buna baxmayaraq, COP29-da iştiraka dəvət Azərbaycanın inhisarında deyil”.

Parlament sədri qeyd edib ki, iqlim dəyişikliyi konfransı Azərbaycanın tədbiri deyil, Birləşmiş Millətlər Təşkilatının tədbiridir. Ermənistan Respublikası da Birləşmiş Millətlər Təşkilatının üzvüdür.